Mumbai accident : মুম্বাইৰ বান্দ্ৰাত দুৰ্ঘটনা, ৩ জন নিহত

নেশ্যনেল ডেস্ক,১০ নৱেম্বৰ : মহাৰাষ্ট্ৰৰ ৱৰ্লিত ভয়ংকৰ দুৰ্ঘটনা । বান্দ্ৰাৰ দিশৰ পৰা গৈ থকা এখন দ্ৰুতবেগী ইনোভা বাহনে মহতিয়াই নিলে কেইবাখনো বাহন । প্ৰথমে ইনোভাখনে বান্দ্ৰা ৱৰ্লি চি লিংকৰ কেইশ মিটাৰ পূৰ্বে এখন বিলাসী বাহনত খুন্দা মাৰে । ঘটনাস্থলীৰ পৰা চালকজনে পলায়নৰ চেষ্টা কৰোতে ইনোভাখনে আন কেইবাখনো বাহনক খুন্দা মাৰে । আৰক্ষীৰ মতে দুৰ্ঘটনাটোত ৩ গৰাকী লোকৰ মৃত্যু হৈছে । আনহাতে ১০-১২ গৰাকী লোক আহত হৈছে ।

জানিব পৰা মতে বৃহস্পতিবাৰে নিশা প্ৰায় ১০ মান বজাত এই দুৰ্ঘটনাটো সংঘটিত হৈছিল । বান্দ্ৰা ৱৰ্লি চি লিংক টোল প্লাজাৰ সমীপত দুৰ্ঘটনাটোত প্ৰায় ৬ খন বাহন ক্ষতিগ্ৰস্ত হয় । আটাইকেইজন আহতক বান্দ্ৰাৰ ভাভা চিকিৎসালয়ত ভৰ্তি কৰোৱা হয় । মুম্বাই আৰক্ষীৰ মতে ৱৰ্লিৰ পৰা বান্দ্ৰাৰ ফালে দ্ৰুত গতিত যোৱা এখন ইনোভা বাহনে টোল প্লাজাৰ ওচৰত ৰখাই থোৱা বাহনসমূহক খুন্দা মাৰে । ঘটনা সন্দৰ্ভত মুম্বাই আৰক্ষীয়ে তদন্ত আৰম্ভ কৰিছে ।

লগতে পঢ়ক :Road accident on Gorakhpur-Kushinagar highway : গোৰখপুৰ-কুশনগৰ ঘাইপথৰ পথ দুৰ্ঘটনা ৬ জনৰ মৃত্যু, আহত ২৭