Social activist Mukut Chandra Bhuyan: সমাজ সেৱক মুকুট ভূঞাৰ মৃত্যুত শোক প্ৰকাশ সাংসদ প্ৰদ্যুৎ বৰদলৈৰ

নগাঁও, 4 আগষ্ট : নগাঁৱৰ বিশিষ্ট সমাজসেৱক, শিল্পী মুকুট চন্দ্ৰ ভূঞাৰ মৃত্যুত শোক প্ৰকাশ কৰে নগাঁৱৰ সাংসদ প্ৰদ্যুৎ বৰদলৈয়ে । নগাঁৱৰ এখন ব্যক্তিগত চিকিৎসালয়ত চিকিৎসাধীন অৱস্থাতে বুধবাৰে দিনৰ প্ৰায় দুই বজাত শেষ নিশ্বাস ত্যাগ কৰে সমাজসেৱক মুকুট চন্দ্ৰ ভূঞাই । মুকুট ভূঞাৰ মৃত্যুত নগাঁৱৰ বিভিন্ন অনুষ্ঠান, প্ৰতিষ্ঠানৰ লগতে বহু বিশিষ্ট ব্যক্তিয়ে শোক প্ৰকাশ কৰে । 

সাংসদ প্ৰদ্যুৎ বৰদলৈয়েও মুকুট ভূঞাৰ মৃত্যুত শোক প্ৰকাশ কৰি মুকুট চন্দ্ৰ ভূঞাৰ সামাজিক জীৱনৰ বিষয়ে উল্লেখ কৰে । লগতে মুকুট ভূঞাৰ প্ৰয়াত পিতৃ শংকৰ সংঘৰ প্ৰতিষ্ঠাপক সভাপতি, লোকসেৱক হলধৰ ভূঞাৰ নামত এটি ভৱন নিৰ্মাণ সন্দৰ্ভতো কেইদিনমান পূৰ্বে মুকুট ভূঞাৰ সৈতে হোৱা আলোচনাৰ বিষয়েও উল্লেখ কৰে সাংসদ প্ৰদ্যুৎ বৰদলৈয়ে । 

লগতে পঢ়ক : Protagonist Mukut Chandra Bhuyan: জীৱন যুদ্ধত পৰাজিত হৈ ইহ সংসাৰ এৰিলে অক্লান্ত সৈনিক মুকুট চন্দ্ৰ ভূঞাই