MP Gaurav Gogoi convoy accident: সাংসদ গৌৰৱ গগৈৰ কনভয় দুৰ্ঘটনাগ্ৰস্ত

শিলচৰ, 3 অক্টোবৰ : দুৰ্ঘটনাৰ সন্মুখীন হৈছে কংগ্ৰেছ সাংসদ গৌৰৱ গগৈ ৷ শিলচৰত সাংসদ গৌৰৱ গগৈৰ কনভয় ভয়ংকৰ দুৰ্ঘটনাত পতিত হয় । মঙলবাৰে দুপৰীয়া শিলচৰ-বিমানবন্দৰ পথৰ ময়নাৰবন্দ দলঙত এই দুৰ্ঘটনাৰ ঘটনা সংঘটিত হয় ৷ 

এই দুৰ্ঘটনাত মহিলাসহ প্ৰায় ৭ জন কংগ্ৰেছ কৰ্মী আহত হৈছে । উল্লেখ্য যে, এটা দলীয় কাৰ্যসূচীৰ বাবে বৰাক ভেলীলৈ যোৱা সাংসদগৰাকীক শিলচৰ কুম্ভীৰগ্ৰাম বিমানবন্দৰৰ পৰা প্ৰায় শতাধিক বাহনে সমদল কৰি কংগ্ৰেছ ভৱনলৈ আদৰি লৈ অহাৰ সময়তেে এই দুৰ্ঘটনা সংঘটিত হয় ৷ সমদলত গৈ থকা বিলাসী বাহনসমূহ তীব্ৰগতিত যোৱাৰ সময়ত হঠাৎ এখন বাহনে সম্মুখেৰে গৈ থকা আন এখন বাহনত খুন্দা মাৰে । ফলত প্ৰায় 10 খন বিলাসী বাহনৰ বিস্তৰ ক্ষতিসাধন হয়। 

লক্ষণীয় যে, বাহন কেইখনৰ মাজত প্ৰাক্তন মন্ত্ৰী অজিত সিঙৰো এখন বাহন আছিল ৷ দুৰ্ঘটনাৰ পিচত ঘটনাস্থলীত আৰক্ষী উপস্থিত হৈ দুৰ্ঘটনাগ্ৰস্ত বাহনসমূহ উদ্ধাৰ কৰি লৈ যায় । সৌভাগ্য ক্ৰমে সাংসদ গৌৰৱ গগৈৰ বাহনৰ কোনো ক্ষতিসাধন হোৱা নাই ।

লগতে পঢ়ক: Silsako Evicted people protest : ক্ষতিপূৰণসহ পুনৰ সংস্থাপনৰ দাবীত চচলত শিলসাঁকোৰ উচ্ছেদিতৰ প্ৰতিবাদ