Miscreants set fire: ৰঙাপৰাত নুৰী মছজিদত দুর্বৃত্তৰ অগ্নিসংযোগ

ৰঙাপৰা,28 জুন: শোণিতপুৰ জিলাৰ ৰঙাপৰাৰ ধূলাপাদুং গাঁৱত চঞ্চল্যকৰ ঘটনা ৷ ৰঙাপৰাৰ ধূলাপাদুং গাঁৱত থকা নুৰী মছজিদত নিশা দুর্বৃত্তই অগ্নিসংযোগ কৰে ৷ পৱিত্ৰ ঈদৰ প্ৰাকক্ষণত এনে কাণ্ডক লৈ প্ৰতিক্ৰিয়াৰ সৃষ্টি হৈছে ৷ ২০০৩ চনত স্থাপিত হোৱা ইছলাম ধৰ্মাৱলম্বী লোকসকলৰ উপসনাস্থলী মছজিদটোৰ মূল দুৱাৰখনত অগ্নিসংযোগ কৰাৰ ঘটনাক সকলোৱে একেমুখে গৰিহণা দিছে ।  

ইফালে ঘটনাস্থলীত ৰঙাপৰা আৰক্ষী থানাৰ আৰক্ষী বিষয়া তিলক চন্দ্ৰ তেৰং উপস্থিত হৈ সমগ্ৰ ঘটনাৰ সন্দৰ্ভত বুজ লয় । ঘটনাৰ সন্দৰ্ভত নুৰী মছজিদ কমিটিয়ে ৰঙাপৰা আৰক্ষী থানাত এখন এজাহাৰ দাখিল কৰিছে ৷ শান্তি-সম্প্ৰীতি, ভাতৃবোধ তথা মিলাপ্ৰীতিৰে বসবাস কৰি থকা বিভিন্ন জাতি-জনগোষ্ঠীৰ ৰাইজে দোষীক চিনাক্তকৰণ কৰি উপযুক্ত শাস্তি প্ৰদান কৰিবলৈ দাবী জনাইছে জিলা প্ৰশাসনক । 

লগতে পঢ়ক:Kumbhakarna: অসমৰ মুখ্যমন্ত্ৰীৰ আসনত কুম্ভকৰ্ণক দেখিছে ভূপেন বৰাই