Crime in Nagaon:নিশা কচুৱাত বৰযাত্ৰীৰ ওপৰত দুৰ্বৃত্তৰ আক্ৰমণ

বঢ়মপুৰ,৩ জুলাই:দেওবাৰে নিশা নগাঁও জিলাৰ কচুৱা থানাৰ অন্তৰ্গত সোণাৰুগুৰিত বৰযাত্রীৰ ওপৰত দুৰ্বৃত্তৰ দলবদ্ধ আক্ৰমণত কেইবাজনো লোক আঘাতপ্ৰাপ্ত হয় । নিশা বিয়া ঘৰৰ পৰা বৰযাত্রীসকলে ওভতাৰ পথত কচুৱা সোণাৰুগুৰিৰ দলঙত চাৰিজনীয়া দুৰ্বৃত্তৰ দলটোৱে প্ৰথমে গাড়ী ৰখাই বাক বিতণ্ডা আৰু তাৰ পিছত মাধৱপাৰাৰ চিৰাজুল ইছলাম,শ্বাহকামাল,দিলদাৰ হুছেইন আব্দুৰ, মজিবুৰ ৰহমানক আক্ৰমণ কৰি সোণৰ আ- অলংকাৰ আৰু ২০ হাজাৰ টকা কাঢ়ি নিয়া বুলি কয় ভুক্তভোগী সকলে ।  

এই সম্পৰ্কত নিশাই কচুৱা থানাত উপস্থিত হৈ ভুক্তভোগীয়ে এজাহাৰ দাখিল কৰি দোষীক কঠোৰ শাস্তি প্ৰদান কৰিবলৈ আৰক্ষীক আহ্বান জনাইছে । দুৰ্বৃত্তৰ দলটোত বাহাৰুল ইছলাম, কুদ্দুজ আলী, আখতাৰুল ইছলাম নামৰ তিনিজনক চিনাক্ত কৰি এজাহাৰ দাখিল কৰে ভুক্তভোগী সকলে ।

লগতে পঢ়ক:Missing pokur press meet : মিচিং ভাষাৰ বিকাশত গুৰুত্ব নিদিয়াৰ বাবে চৰকাৰৰ বিৰুদ্ধে ক্ষোভ মিচিং ভাষাৰ পকুৰ সন্থাৰ