Minister Sanjoy Kishan : তিনিচুকীয়াত কেইবাটাও পথৰ শুভ উদ্বোধন মন্ত্ৰী সঞ্জয় কিষাণৰ

তিনিচুকীয়া, ২৬ অক্টোবৰ : তিনিচুকীয়া চহৰত একেদিনাই ১১ টাকৈ পথৰ নিৰ্মাণ সম্পূৰ্ণ হোৱাৰ পাচত আজি পথকেইটা ৰাইজৰ বাবে উৎসৰ্গা কৰে শ্ৰম মন্ত্ৰী সঞ্জয় কিষাণে ৷ তিনিচুকীয়া পৌৰসভাৰ অন্তৰ্গত ১৫ নং ৱাৰ্ড, ১৪ নং ৱাৰ্ড, ১৩ নং ৱাৰ্ড, ১২ নং ৱাৰ্ড, ৯ নং ৱাৰ্ড, ৮ নং ৱাৰ্ড, ৭ নং ৱাৰ্ড, ৫ নং ৱাৰ্ড আৰু ২ নং ৱাৰ্ডত উদ্বোধন কৰে উক্ত পথকেইটা ৷ পথকেইটা উদ্বোধন কৰাৰ পাছত মন্ত্ৰী সঞ্জয় কিষাণে কয় যে দীৰ্ঘদিনৰ পৰা জৰাজীৰ্ণ পথকেইটা সম্পূৰ্ণ হোৱাত তিনিচুকীয়াবাসীয়ে এতিয়া যথেষ্ট সকাহ লাভ কৰিব ৷ লগতে যিকেইটা পথ বাকী আছে সেইসমূহো অতি সোনকালে সুন্দৰকৈ নিৰ্মাণ কৰাৰ ব্যৱস্থা কৰা হ’ব বুলি সদৰী কৰে ৷ পথকেইটা উদ্বোধন কৰাৰ সময়ত শ্ৰম মন্ত্ৰী সঞ্জয় কিষাণক সংগ দিয়ে ক্ৰমে পৌৰপতি পবিত্ৰ গগৈ, ৱাৰ্ড কমিচনাৰ পুলক চেতিয়া, নৱনীতা আগৰৱাল, তৰুণ সিঙকে আদি কৰি বিভাগীয় কতৃপক্ষই ৷

লগতে পঢ়ক: SI Junmoni Rabha Death: মোক মুখ্যমন্ত্ৰীৰ সহায় নালাগে- জোনমণিৰ মাতৃ