আমি বিজেপি, আমি ৰাষ্ট্ৰ নিৰ্মাণ কৰি আছো: পৰিমল শুক্লবৈদ্য

নগাঁও, 27 ডিচেম্বৰ : মন্ত্ৰীলৈ সাংবাদিকৰ প্ৰশ্ন: নগাঁও লোকসভা সমষ্টিটো নিজৰ হাতলৈ নিবলৈ কংগ্ৰেছে বিভিন্ন প্ৰক্ৰিয়া হাতত লৈছে, এই সন্দৰ্ভত আপুনি কি ক’ব ? মন্ত্ৰীৰ উত্তৰ, ‘মইতো বিজেপি কৰা মানুহ, কংগ্ৰেছৰ কাম কংগ্ৰেছে কৰি আছে ৷’ গোটেই অসমতে বিজেপিয়ে ভাল প্ৰদৰ্শন কৰিব বুলি দাবী কৰে মন্ত্ৰীজনে ৷

কংগ্ৰেছ সন্দৰ্ভত কৰা প্ৰশ্নৰ উত্তৰত মন্ত্ৰী পৰিমল শুক্লবৈদ্যই কয় যে বিগত দহটা বছৰত বিজেপিয়ে ইমানেই কাম কৰিছে যে সেই কাম কেৱল এই মাটিতেই সীমিত নাথাকি চন্দ্ৰও পাইছেগৈ ৷ যাৰ বাবে আজিৰ দিনত মানুহে বিজেপিক ভোট দিয়াটো নিশ্চিত ৷  মন্ত্ৰী পৰিমল শুক্লবৈদ্যৰ মতে, আগন্তক লোকসভা নিৰ্বাচনত বিজেপিয়েই লাভ কৰিব একক সংখ্যাগৰিষ্ঠতা । বিজেপি চৰকাৰৰ দিনৰ বিভিন্ন আঁচনিৰ কথা উল্লেখ কৰি তেওঁ নিৰ্বাচনত বিজেপিয়ে ভাল প্ৰদৰ্শন কৰিব বুলি দাবী কৰে ৷

লগতে পঢ়ক : পথ দুৰ্ঘটনা সংঘটিত পাঁচ জিলাৰ অন্যতম নগাঁও : পৰিমল শুক্লবৈদ্য