তিনিচুকীয়াত 26 গৰাকী ভূমিহীনলৈ ভূমিপট্টা প্ৰদান ৰাজ্য চৰকাৰৰ

তিনিচুকীয়া, 2 ডিচেম্বৰ: শুকুৰবাৰে তিনিচুকীয়াত ভূমিহীন লোকক ভূমিপট্টা প্ৰদান কৰা হয় ৷ মুঠ 26 গৰাকী ভূমিহীন লোকক ভূমিপট্টা প্ৰদান কৰে মন্ত্ৰী যোগেন মহনে ৷ মন্ত্ৰী যোগেন মহনে পোনপ্ৰথমবাৰৰ বাবে ডিজিটেল প্ৰক্ৰিয়াৰে আৰম্ভ হোৱা মাটিৰ পট্টা প্ৰদান কৰে হিতাধীকাৰীসকলক ।

কালি প্ৰথম পৰ্যায়ত তিনিচুকীয়া জিলাখনৰ পাঁ‌চটাকৈ সমষ্টিৰ মুঠ 26 গৰাকী হিতাধিকাৰীক এই পট্টা প্ৰদান কৰি জিলাখনত আঁচনিখনৰ আৰম্ভণি কৰে । অতি কম সময়ৰ ভিতৰতেই এখন বিশাল সভা আয়োজন কৰি পট্টা প্ৰদান কৰা হ’ব বুলি সদৰী কৰে মন্ত্ৰীগৰাকীয়ে ৷ এই ভূমিপট্টা বিতৰণ কৰা কাৰ্যসূচীত মন্ত্ৰী যোগেন মহনৰ উপৰিও উপস্থিত থাকে মন্ত্ৰী সঞ্জয় কিষান, বিধায়ক ভাস্কৰ শৰ্মা, ৰূপেশ গোৱালাৰ লগতে তিনিচুকীয়া জিলাৰ আয়ুক্ত স্বপ্নীল পাল ।

লগতে পঢ়ক: গোলাঘাটত হাতী খেদিবলৈ শকতি নাই বনবিভাগৰ, ৰাইজেই কান্ধপাতি ল’লে দায়িত্ব