Fire incident in Barpeta: বৰপেটাৰ ডিমাপুৰত জুইত জাহ গ’ল মৰাপাটৰ গুদামসহ লক্ষাধিক টকাৰ সম্পত্তি

বৰপেটা জিলাৰ কলগাছিয়াত ভয়ংকৰ অগ্নিকাণ্ডৰ ঘটনা (Terrible fire in Kalgasia)৷ জিলাখনৰ কলগাছিয়া আৰক্ষী থানাৰ অন্তৰ্গত ডিমাপুৰ গাঁৱত ৰবিবাৰে ৪ বজাত সংঘটিত হয় ভয়ংকৰ অগ্নিকাণ্ডৰ ঘটনাটো । অগ্নিকাণ্ডত শ্বামছুল হকৰ এটা মৰাপাট ভৰ্তি গুদামঘৰৰ লগতে ৪১০ মোন মৰাপাট জুইত ভস্মীভূত হয় । অগ্নিকাণ্ডৰ কাৰণ এতিয়ালৈকে জানিব পৰা হোৱা নাই । উল্লেখযোগ্য যে, সোমবাৰে ৰাতিপুৱা ৪ বজাত সংঘটিত হোৱা এই অগ্নিকাণ্ডত প্ৰায় ১০ লাখ টকাৰ সা-সম্পত্তি ক্ষতি হোৱা বুলি জানিব পৰা গৈছে । ঘটনাস্থলীত স্থানীয় ৰাইজে অগ্নি নিৰ্বাপন কৰিবলৈ চেষ্টা চলাইছিল যদিও পিছমুহূৰ্তত কলগাছিয়া অগ্নিনিৰ্বাপক বাহিনী উপস্থিত হৈ অগ্নি নিৰ্বাপন কৰিবলৈ সক্ষম হয় যদিও ৮০ শতাংশ মৰাপাট জুইত জাহ যায় (Kalgachia Fire Brigade)।