Happy Promise Day 2025: প্ৰেমত পৰা সকলৰ বাবে এই সপ্তাহতো খুবেই বিশেষ ৷ প্ৰেমত পৰাসকলৰ বাবে প্ৰতিটো দিনেই উৎসৱৰ দৰে, আনহাতে যিসকলে নিজৰ ক্ৰাছ বা বন্ধুৰ সৈতে সম্পৰ্ক স্থাপন কৰিব বিচাৰে তেওঁলোকৰ বাবে ই প্ৰেমৰ পৰীক্ষাৰ দৰে । ৭ ফেব্ৰুৱাৰীৰ পৰা প্ৰতিদিনে প্ৰেমিক-প্ৰেমিকাসকলে ভেলেন্টাইন ডে'ৰ এই পৰীক্ষাত উত্তীৰ্ণ হ’বলৈ নিজৰ প্ৰিয়জনৰ বাবে বিশেষ কিবা কৰিবলৈ প্ৰয়াস কৰে । ভেলেণ্টাইন সপ্তাহৰ পঞ্চম দিনটোত প্ৰতিশ্ৰুতিৰ দিন অৰ্থাৎ প্ৰমিজ ডে' হিচাপে উদযাপন কৰা হয় । এই দিনটোত লাভ বাৰ্ডছে ইজনে আনজনৰ বিভিন্ন প্ৰতিশ্ৰুতি আগবঢ়ায় ।
প্ৰেমৰ সপ্তাহৰ পঞ্চম দিনা প্ৰ'মিছ ডে' পালন কৰা হয় ৷ এই দিনটোত প্ৰেমিক যুগলে ইজনে আনজনক কিছু বিশেষ প্ৰতিশ্ৰুতি দিয়ে ৷ ৭ ফেব্ৰুৱাৰীৰ পৰা আৰম্ভ হোৱা ভেলেণ্টাইন উইক ১৪ ফেব্ৰুৱাৰীত অন্ত পৰে ৷ প্ৰেমিক যুগলৰ বাবে ভেলেণ্টাইন উইকৰ প্ৰতিটো দিন বিশেষ, কাৰণ প্ৰতিটো দিনেই এক নতুন দিন ৷ ভেলেণ্টাইন উইক আৰম্ভ হয় ৰ’জ ডে’ৰ পৰা ৷ আজিৰ দিনটোত প্ৰেমিক যুগলে ইজনে আনজনক গোলাপ ফুল দি প্ৰেম প্ৰকাশ কৰে ৷ পিছদিনা প্ৰ’পজ ডে, চকলেট ডে, টেডি ডে আৰু তাৰ পিছত প্ৰ’মিজ ডে উদযাপন কৰা হয় ৷
প্ৰতিটো প্ৰেমিক যুগলৰ জীৱনত ফেব্ৰুৱাৰী মাহে গুৰুত্বপূৰ্ণ ভূমিকা পালন কৰে ৷ এই মাহত বহুতে নিজৰ প্ৰেমক বিচাৰি পায় আনহাতে কিছুমান মানুহৰ হৃদয়ো ভাঙে কোনোবাই আকৌ মনে মনে ভাল পাই থকা নিজৰ প্ৰিয় ব্যক্তিগৰাকীক নিজৰ মনৰ ভাৱ প্ৰকাশ কৰিবলৈ এই মাহটোলৈ অপেক্ষা কৰে যাতে তেওঁলোকে মুকলিকৈ নিজৰ প্ৰেম প্ৰকাশ কৰিব পাৰে ৷ আনহাতে কোনো সম্পৰ্কত নথকা সকলে প্ৰতিটো ভেলেণ্টাইন ডে’ পৰিয়াল আৰু বন্ধু-বান্ধৱীৰ সৈতে উদযাপন কৰিবলৈ ভাল পায় ৷
যদিও এই গোটেই সপ্তাহটো প্ৰেমিক যুগলৰ বাবে অতি গুৰুত্বপূৰ্ণ, কিন্তু আজি আমি আপোনালোকক ক'বলৈ ওলাইছো প্ৰ'মিছ ডে'ৰ ইতিহাস আৰু ইয়াৰ গুৰুত্বৰ সৈতে জড়িত এটা আকৰ্ষণীয় কাহিনী লগতে প্ৰেমৰ সম্পৰ্কক আৰু অধিক গভীৰ কৰি তোলাৰ বাবে ৫টা প্ৰতিশ্ৰুতি-
প্ৰ'মিছ ডে'ৰ ইতিহাস
যদিও এই দিনটোৰ কোনো লিখিত ইতিহাস নাই, কিন্তু বছৰ বছৰ ধৰি ভেলেণ্টাইন সপ্তাহৰ পঞ্চম দিনটোত প্ৰ'মিছ ডে' পালন কৰি অহা হৈছে৷ যুগ যুগ ধৰি প্ৰেমিক যুগলে নিজৰ প্ৰেমৰ সম্পৰ্ক সুদৃঢ় কৰি ৰাখিবলৈ এই দিনটোত ইজনে আনজনক বহু প্ৰতিশ্ৰুতি দিয়ে ৷ ইয়াক উদযাপন কৰাৰ আটাইতকৈ উত্তম উপায় হ'ল আপুনি ইজনে আনজনক দিয়া প্ৰতিশ্ৰুতিবোৰ কাগজত লিখি উপহাৰ দিয়া ৷ আনহাতে মহিলাসকলে এই ধৰণৰ উপহাৰ খুবেই পচন্দ কৰে ৷
প্ৰেমৰ সপ্তাহত আগবঢ়োৱা প্ৰতিশ্ৰুতিবোৰে প্ৰেমিক যুগলৰ সম্পৰ্কত থকা আস্থা আৰু আশা বজাই ৰখাত সহায় কৰে । প্ৰেমত পৰিলে আপুনি আপোনাৰ সংগীৰ সুখৰ যত্ন লয়, তেওঁৰ সৈতে আপোনাৰ ভৱিষ্যতৰ কথা চিন্তা কৰে আৰু এই সপোন পূৰণৰ বাবে বহু প্ৰতিশ্ৰুতি দিয়ে । এনে কৰিলে সম্পৰ্কৰ বান্ধোন আৰু অধিক দৃঢ় হৈ পৰে । এইবাৰৰ প্ৰমিজ ডে'ত আপুনিও আপোনাৰ সংগীক দিয়ক প্ৰেমৰ প্ৰতিশ্ৰুতি । যদি আপুনি আপোনাৰ সংগীৰ সৈতে কি প্ৰতিশ্ৰুতি ল’ব লাগে সেই বিষয়ে জ্ঞাত নহয় তেন্তে, এই প্ৰতিবেদনৰ জৰিয়তে আপোনাৰ বাবে কিছুমান প্ৰেমৰ প্ৰতিশ্ৰুতি আগবঢ়োৱা হ'ল ৷
তেন্তে জানো আহক প্ৰেমিক যুগলে ইজনে আনজনক এনে কি প্ৰতিশ্ৰুতি (Five vows of love)কৰা উচিত যিয়ে তেওঁলোকৰ সম্পৰ্কক আৰু অধিক শক্তিশালী কৰাত সহায় কৰিব-
প্ৰেমৰ প্ৰথম প্ৰতিশ্ৰুতি
- যিদৰে আছে তেনেকৈয়ে থাকক: প্ৰায়ে এনেকুৱা হয় যে যেতিয়া প্ৰেমিক-প্ৰেমিকাই প্ৰেমৰ সম্পৰ্কত প্ৰৱেশ কৰে তেতিয়া তেওঁলোকে সংগীৰ পছন্দ-অপছন্দৰ কথা মনত ৰাখিবলৈ আৰম্ভ কৰে । নিজৰ পছন্দ আৰু অভ্যাস এৰি সংগীৰ পছন্দ গ্ৰহণ কৰে । এনে পৰিস্থিতিত সংগীয়ে নিজৰ ব্যক্তিত্ব হেৰুৱাবলৈ আৰম্ভ কৰে । আৰম্ভণিতে সকলো স্বাভাৱিক আৰু ভাল যেন লাগে কিন্তু সময় পাৰ হোৱাৰ লগে লগে সংগীয়ে সম্পৰ্কত হেঁচা অনুভৱ কৰিবলৈ আৰম্ভ কৰে । এনে পৰিস্থিতিত এই প্ৰমিজ ডে'ত প্ৰেমিকযুগলে ইজনে সিজনক প্ৰতিশ্ৰুতি দিব পাৰে যে তেওঁলোকে যিদৰে আছে তেনেদৰেই ইজনে আনজনক ভাল পাব । এই সম্পৰ্কত তেওঁ সংগীক নিজৰ পছন্দ সলনি কৰিবলৈ বা নিজৰ পছন্দৰ সৈতে খাপ খুৱাবলৈ হেঁচা প্ৰয়োগ নকৰে ।
প্ৰেমৰ দ্বিতীয় প্ৰতিশ্ৰুতি
- একেটা টীম: প্ৰেমিক-প্ৰেমিকাই ইজনে আনজনক প্ৰতিশ্ৰুতি দিব পাৰে যে আপুনি সদায় এটা টীমৰ দৰে হৈ থাকিব । প্ৰয়োজনৰ সময়ত সদায় ইজনে আনজনক সমৰ্থন কৰিব । আপোনাৰ সংগীৰ বাবে সদায় সময় থাকিব । ইজনে আনজনক অকলশৰীয়া অনুভৱ কৰিবলৈ নিদিয়ে আৰু ভাল বেয়া সময়ত ইজনে সিজনৰ প্ৰতি দায়বদ্ধ হৈ থাকিব আৰু কাষত থাকিব ।
তৃতীয় প্ৰেমৰ ব্ৰত
- বিশ্বাস: যিকোনো সম্পৰ্ক বিশ্বাসৰ ওপৰত ভিত্তি কৰি গঢ় লৈ উঠে, গতিকে আপোনাৰ সংগীক প্ৰতিশ্ৰুতি দিয়ক যে ইজনে সিজনৰ প্ৰতি বিশ্বাস অব্যাহত ৰাখিব । সম্পৰ্কত কেতিয়াও যাতে ঠগ প্ৰৱঞ্চনা নাহে । সংগীক মিছা কথা নক’ব । সম্পৰ্কটো শক্তিশালী কৰি ৰাখিবলৈ প্ৰতিটো দম্পতীয়ে সেই সকলোবোৰ কাম কৰিব লাগিব, যিয়ে তেওঁলোকৰ মাজত আস্থা আৰু বিশ্বাস বৃদ্ধি কৰে আৰু সেই কাম সমূহৰ দূৰত্ব বজাই ৰাখিব যিসমূহে আপোনাৰ সম্পৰ্কত দূৰত্বৰ সৃষ্টি কৰিব পাৰে বিশ্বাস শেষ হ'ব পাৰে । গতিকে ইজনে সিজনক দিয়ক বিশ্বাস কৰা আৰু বিশ্বাস ৰখাৰ প্ৰতিশ্ৰুতি ।
প্ৰেমৰ চতুৰ্থ প্ৰতিশ্ৰুতি
- সপোন বাস্তৱায়িত কৰিবলৈ দিব: বহু সময়ত সম্পৰ্কত সংগীয়ে নিজৰ সংগীৰ জীৱনত আধিপত্য বিস্তাৰ কৰিবলৈ আৰম্ভ কৰে । সংগীৰ জীৱনৰ সিদ্ধান্তও তেওঁৰ সংগীয়ে লয় । সেয়ে এই প্ৰমিজ ডে'ত আপোনাৰ সংগীক প্ৰতিশ্ৰুতি দিয়ক যে আপুনি তেওঁক নিজৰ সিদ্ধান্ত নিজে ল’বলৈ দিব । যদি সংগীৰ কিছুমান সপোন বা লক্ষ্য থাকে, তেন্তে তেওঁ সেইবোৰৰ মাজত যাতে বাধাৰ সৃষ্টি নকৰে, বৰঞ্চ সেই সপোনবোৰ পূৰণৰ ক্ষেত্ৰত সদায় সংগীৰ লগত থাকিব ।
প্ৰেমৰ পঞ্চম প্ৰতিশ্ৰুতি
- সন্মান: সংগীয়ে বিচাৰে যে সম্পৰ্কত তেওঁ সেই সন্মানে যাতে লাভ কৰে যি ধৰণে সংগীয়ে তেওঁৰ পৰিয়াল বা আন সহযোগীক দিয়ে ৷ প্ৰায়ে সম্পৰ্কত সংগীয়ে আপোনাৰ মতামত বা কথাক আওকাণ কৰে । তেওঁ আশা কৰে যে, সংগীয়ে তেওঁৰ এই কাৰ্যত কেতিয়াও খং কৰিব নোৱাৰে, কাৰণ তেওঁ নিজৰ । আনক সুখ দিয়াৰ ক্ষেত্ৰতো প্ৰেমিক-প্ৰেমিকাই ইজনে সিজনক সহজভাৱে ল’বলৈ আৰম্ভ কৰে আৰু সম্পৰ্কত বুজাবুজিৰ আশা কৰে । কিন্তু এই প্ৰমিজ ডে'ত প্ৰেমিকযুগলে ইজনে সিজনক প্ৰতিশ্ৰুতি দিয়ক যে, তেওঁলোকে ইজনে সিজনক সদায় সন্মান দিব । তেওঁলোকৰ মতামত বা কোনো কথাক গুৰুত্ব দিব আৰু সিদ্ধান্ত লোৱাৰ অধিকাৰ প্ৰদান কৰিব ।
লগতে পঢ়ক
