চৰাইদেউৰ মাইবেলাস্থিত লাকুৱা তাপ বিদ্যুৎ প্ৰকল্পত ভয়ংকৰ অগ্নিকাণ্ড

ডিব্ৰুগড়, 6 ডিচেম্বৰ : লাকুৱা তাপবিদ্যুৎ প্ৰকল্পত ভয়ংকৰ অগ্নিকাণ্ডৰ ঘটনা ৷ চৰাইদেউ জিলাৰ মাইবেলাস্থিত লাকুৱা তাপ বিদ্যুৎ প্ৰকল্পত বুধবাৰে বিয়লি সংঘটিত হয় এই ভয়ংকৰ অগ্নিকাণ্ডৰ ঘটনা ৷

বুধবাৰে বিয়লি প্ৰায় তিনি বজাত প্ৰকল্পৰ ভিতৰত ভয়ানক অগ্নিকাণ্ডৰ সূত্ৰপাত হোৱাৰ ফলত অঞ্চলটো কলা ধোঁৱাৰে আৱৰি ধৰিছে ৷ ইতিমধ্যে ঘটনাস্থলীত অগ্নি নিৰ্বাপক বাহিনীৰ কেইবাখনো বাহন উপস্থিত হৈছে যদিও জুই নিয়ন্ত্ৰণ কৰিবলৈ সক্ষম হোৱা নাই বুলি জানিব পৰা গৈছে ৷

এই ঘটনাক লৈ অঞ্চলটোত তীব্ৰ আতংকময় পৰিস্থিতিৰ সৃষ্টি হৈছে ৷ কি কাৰণে এই অগ্নিকাণ্ডৰ ঘটনা সংঘটিত হ’ল বাতৰি লিখাৰ পৰলৈকে জানিব পৰা হোৱা নাই ৷ ইতিমধ্যে ঘটনাস্থলীত অগ্নি নিৰ্বাপক বাহিনী উপস্থিত হৈ জুই নিয়ন্ত্ৰণৰ বাবে যুদ্ধকালীন প্ৰচেষ্টা অব্যাহত ৰাখিছে ৷ 

লগতে পঢ়ক : চিচিবৰগাঁৱত ভয়ংকৰ পথ দুৰ্ঘটনা, থিতাতে নিহত দুজন