Massive fire breaks out : বঙাইগাঁৱৰ মায়াপুৰীত ভয়ংকৰ অগ্নিকাণ্ড, লক্ষাধিক টকাৰ সামগ্ৰী ভস্মীভূত

বঙাইগাঁও,13 নৱেম্বৰ : সোমবাৰে বঙাইগাঁও চহৰৰ মায়াপুৰীত ভয়ংকৰ অগ্নিকাণ্ডৰ ঘটনা ৷ আজি দুপৰীয়াৰ ভাগত সংঘটিত হোৱা অগ্নিকাণ্ডত কেইবাখনো দোকাত ভস্মীভূত হয় ৷ ঘটনা অনুসৰি এখন ৰঙৰ গুদামত প্ৰথমে জুইৰ সূত্ৰপাত হৈছিল ৷ কি কাৰণে জুইৰ সূত্ৰপাত হ’ল সেয়া  জানিব পৰা হোৱা নাই ৷ ইফালে অগ্নিকাণ্ডৰ ফলত 15 লক্ষাধিক টকাৰ সম্পত্তি ভস্মীভূত হোৱা বুলি জানিব পৰা গৈছে ৷ 

আনহাতে ঘটনাস্থলীত ততাতৈয়াকৈ উপস্থিত হয় চিৰাং, বঙাইগাঁও আৰু অভয়াপুৰীৰ অগ্নিনিৰ্বাপক বাহিনীৰ দল ৷ কেইবাটাও অগ্নিনিৰ্বাপক বাহিনী দলৰ প্ৰচেষ্টাতহে জুই নিৰ্বাপন কৰিবলৈ সক্ষম হয় ৷ আনহাতে বঙাইগাঁৱৰ বিধায়ক ফণীভূষণ চৌধুৰী ঘটনাস্থলীত উপস্থিত হৈ ঘটনাৰ বুজ লয় ৷

প্ৰত্যক্ষদৰ্শীৰ ভাষ্য অনুসৰি, ৰঙৰ গুদামৰ পৰা প্ৰথমে ধোঁৱা ওলোৱা দেখা গৈছিল ৷ তাৰ পাচতে বেলেগলৈও জুই বিয়পি পৰে ৷ কিন্তু অগ্নিনিৰ্বাপক বাহিনীৰ প্ৰচেষ্টাত জুই নিৰ্বাপন কৰিবলৈ সক্ষম হয় ৷ 

লগতে পঢ়ক:Theft Incident: ভাঙিব নোৱাৰি লক্ষাধিক টকাভৰ্তি লকাৰকে লৈ গ’ল চোৰে