Fire breaks out in Guwahati : মহানগৰীৰ বশিষ্ঠত বিধ্বংসী অগ্নিকাণ্ড

গুৱাহাটী, 10 নবেম্বৰ : মহানগৰীৰ বশিষ্ঠত বিধ্বংসী অগ্নিকাণ্ডৰ ঘটনা ৷ বশিষ্ঠৰ পাটৰকুছিত সংঘটিত হৈছে এই অগ্নিকাণ্ডৰ ঘটনা ৷ অগ্নিকাণ্ডৰ ফলত সম্পূৰ্ণৰূপে জাহ যায় কেইবাটাও বাসগৃহ ৷  

জয়ন্ত কলিতা নামৰ এজন লোকৰ ঘৰত ঘৰত সংঘটিত হয় এই অগ্নিকাণ্ড ৷ জানিব পৰা মতে সন্ধিয়া প্ৰায় 7.30 মান বজাত জয়ন্ত কলিতাৰ ঘৰত অগ্নিকাণ্ডৰ সূত্ৰপাত হোৱা স্থানীয় এজন লোকে প্ৰত্যক্ষ কৰে ৷ ইয়াৰ পিছতেই সমগ্ৰ অঞ্চলটোত হুৱাদুৱাৰ সৃষ্টি হয় ৷

অগ্নিকাণ্ডত বিস্ফোৰণ হয় দুটাকৈ চিলিণ্ডাৰ ৷ পৰৱৰ্তী সময়ত ঘটনাস্থলীত অগ্নিনিৰ্বাপক বাহিনীৰ তিনিখনকৈ বাহন  উপস্থিত হৈ জুই নিৰ্বাপন কৰে ৷ অগ্নিকাণ্ডৰ ফলত জাহ যায় কেইবা লাখ টকাৰ সা-সম্পত্তি ৷ প্ৰকৃত কাৰণ জানিব পৰা হোৱা নাই যদিও বৈদ্যুতিক শ্বৰ্ট চাৰ্কিটৰ ফলতে এই অগ্নিকাণ্ডৰ ঘটনা সংঘটিত হোৱা বুলি সন্দেহ স্থানীয় লোকৰ ৷ 

লগতে পঢ়ক : Girl molested: চৰকাৰী চাৰু-কাৰু কলা মহাবিদ্যালয়ত জঘন্য ঘটনা