মাৰ্ঘেৰিটাত চিলিণ্ডাৰ বিষ্ফোৰণত ১৫ টা বাসগৃহ ভষ্মীভূত

তিনিচুকীয়া, ১৮ ডিচেম্বৰ: তিনিচুকীয়া জিলাৰ মাৰ্ঘেৰিটাৰ চেগুনবাৰীত আজি বিয়লি এক বিধ্বংসী অগ্নিকাণ্ডৰ ঘটনা সংঘটিত হয় ৷ ভুক্তভোগী পৰিয়ালৰ লোকে উল্লেখ কৰা অনুসৰি এই অগ্নিকাণ্ডটো ৰন্ধন গেছ চিলিণ্ডাৰ বিষ্ফোৰণ হোৱাৰ ফলত সংঘটিত হয় । অগ্নিকাণ্ডৰ ফলত ১৫ টাকৈ বাসগৃহ নিমিষতে ধ্বংসস্তুপত পৰিণত হয় ।  

স্থানীয় ৰাইজে উল্লেখ কৰা অনুসৰি বাপন ৰায় নামৰ লোকজনৰ মালিকনাধীন ভাড়াঘৰত চিলিণ্ডাৰ বিষ্ফোৰণ হয় । ফলত আটাইকেইটা পৰিয়ালে সৰ্বস্ব হেৰুৱাব লগা হয় । বিধ্বংসী অগ্নিকাণ্ডৰ ঘটনাটো সংঘটিত হোৱাৰ লগে লগে স্থানীয় ৰাইজে ততাতৈয়াকৈ মাৰ্ঘেৰিটাৰ অগ্নি নিৰ্বাপক বাহিনীক খবৰ দিয়াত অগ্নি নিৰ্বাপকৰ গাড়ী ঘটনাস্থলীত উপস্থিত হৈ জুই নিৰ্বাপিত কৰে । অৱশ্য়ে জুই নিৰ্বাপিত কৰাৰ পূৰ্বে পৰিয়ালকেইটাৰ সকলো সামগ্ৰী জুইত জাহ যায় । 

লগতে পঢ়ক:জোনবিলৰ পাৰত অহা 18 ৰ পৰা 20 জানুৱাৰীলৈ ঐতিহাসিক গোভা দেওঁৰজাৰ জোনবিল মেলা