Road accident in Dhubri: দুৰ্ঘটনাত পতিত বৰযাত্ৰীৰ বাহন; সংকটজনক অৱস্থাত দৰা-কইনা

বিলাসীপাৰা, 3 মাৰ্চ: ধুবুৰী জিলাৰ চাপৰত শোকাৱহ পথ দুৰ্ঘটনা (Road accident in Dhubri) ৷ শুকুৰবাৰে দুৰ্ঘটনাত পতিত হয় বৰযাত্ৰী কঢ়িওৱা বাহন ৷ দুৰ্ঘটনাত থিতাতে নিহত এগৰাকী মহিলা ৷ নিহত মহিলাগৰাকীৰ নাম নাফিছা চুলতানা ৷ দুৰ্ঘটনাটোত গুৰুতৰভাৱে আহত দৰা-কইনাৰ লগতে আন দুজন ব্যক্তি ৷ সংকটজনক অৱস্থাত আটাইকে প্ৰেৰণ কৰা হয় বঙাইগাঁৱলৈ চিকিৎসালয়লৈ (Marriage party vehicle accident) ৷  

উল্লেখ্য যে, বৰযাত্ৰীৰ বাহনখনে নিয়ন্ত্ৰণ হেৰুৱাই এজোপা গছত খুন্দা মৰাৰ ফলতে সংঘটিত হয় দুৰ্ঘটনাটো ৷ গুৱাহাটীৰ পৰা কইনা লৈ ধুবুৰী অভিমুখে আহি থকা অৱস্থাতে সংঘটিত হয় এই শোকাৱহ দুৰ্ঘটনাটো ৷ ইফালে আহত ব্যক্তিসকল হ’ল দৰা মামুদ আলী, কইনা মনজুৱাৰা বেগম (Bridegroom accident in Dhubri) ৷ লগতে আহত হয় মছফিক আলী আৰু মৰমী বেগম ৷  

দুৰ্ঘটনাগ্ৰস্ত বাহনখনৰ নম্বৰ AS17 K 4311 ৷ উল্লেখ যে, ধুবুৰী জিলাৰ হালাকুৰাৰ কৈমাৰী 2য় খণ্ডৰ গাঁৱৰ পৰা গুৱাহাটীৰ আমিনগাঁৱত বিবাহ সম্পন্ন কৰি কইনা লৈ উভতি আহিছিল পৰিয়ালটো ৷ 

লগতে পঢ়ক: HSLC question paper leaked: হাইস্কুল শিক্ষান্ত পৰীক্ষাৰ প্ৰশ্নকাকত ফাদিলক লৈ বিভ্ৰান্তি