Protest in Majuli : দৰিয়া দলঙৰ মেৰামতিৰ দাবীত মাজুলী কমলাবাৰীত উত্তপ্ত পৰিস্থিতি

মাজুলী, 9 নৱেম্বৰ : মাজুলী কমলাবাৰী দৰিয়া দলঙত উত্তপ্ত পৰিস্থিতি । বৃহস্পতিবাৰে মাজুলীৰ দৰিয়া দলঙত মধ্য মাজুলী কমলাবাৰী আঞ্চলিক ছাত্ৰ সন্থাই সাব্যস্ত কৰে এই প্ৰতিবাদ । দুৰ্বল হৈ পৰা দৰিয়া দলঙৰ মেৰামতি নকৰি জিলা প্ৰশাসনে এক জাননী দি দায়সৰা কাৰ্যক লৈ গৰজি উঠিছে আছু ।

ইফালে সমাগত মাজুলীৰ গৌৰৱ ৰাস মহোৎসৱ ৷ কিন্তু আজি পৰ্যন্ত দুৰ্বল হৈ পৰা দৰিয়া দলঙৰ মেৰামতি কৰা নাই বিভাগ তথা মাজুলী জিলা প্ৰশাসনে । যাৰ ফলশ্ৰুতিত মধ্য মাজুলী কমলাবাৰী আঞ্চলিক ছাত্ৰ সন্থাই আজি দৰিয়া দলঙত ঘাইপথ অৱৰোধ কৰি এই প্ৰতিবাদী কাৰ্যসূচী গ্ৰহণ কৰে । আছুৱে পথ অৱৰোধ কৰাৰ ফলত দলঙৰ দুয়ো পাৰে আবদ্ধ হৈ পৰিছে শ শ যাত্ৰীৰ লগতে বাহনসমূহ ।

উল্লেখ্য যে, দুৰ্বল হৈ পৰা দৰিয়া দলঙত গধুৰ যান বাহন তথা নৈশ বাছৰ চলাচল দুই মাহ ধৰি বন্ধ হৈ আছে । ইয়াৰ পাচতো জিলা প্ৰশাসনে দৰিয়া দলং মেৰামতি নকৰি দুই পাৰে দুখন জাননী দিয়ে দায়িত্ব সামৰিছে আজিৰ তাৰিখতো । এই অভিযোগ প্ৰতিবাদকাৰীসকলৰ ৷

লগতে পঢ়ক : Laikhuta of Kopar Chapori Middle School : গুমৰাগৰ ধ্বনিত মুখৰ লখিমপুৰৰ ঘুনাসূতি