Nagaon labourer death news: ১২০ ফুট উচ্চতাৰ এয়াৰটেল টাৱাৰৰ পৰা পৰি শ্ৰমিকৰ মৃত্যু

নগাঁও, 10 এপ্ৰিল : ধিঙৰ পানবাৰীত সংঘটিত হৈছে এক অঘটন । ১২০ ফুট উচ্চতাৰ এয়াৰটেল টাৱাৰৰ পৰা পিছলি পৰি মৃত্যু হয় এজন মেকানিকৰ । টাৱাৰৰ কাম কৰি থকা অৱস্থাত পিছলি পৰে শ্ৰমিকজনক । স্থানীয় লোকে ততাতৈয়াকৈ যুৱক জনক ধিং এফ আৰ ইউত ভৰ্তি কৰে যদিও চিকিৎসকে মৃত বুলি ঘোষণা কৰে । মৃত্যু হোৱা যুৱক জনৰ নাম বিতু হাজৰিকা (labourer died falling from tower in Nagaon Dhing) ।

এয়াৰটেল টাৱাৰৰ পৰা পৰি মৃত্যু হোৱা শ্ৰমিকজনৰ ঘৰ নগাঁৱৰ পলাশনিত । বৰ্তমানে যুৱক জনৰ মৃতদেহ ধিং আৰক্ষী থানাৰ পৰা মৰণোত্তৰ পৰীক্ষাৰ বাবে নগাঁৱলৈ প্ৰেৰণ কৰা হৈছে । ১২০ ফুট উচ্চতৰ টাৱাৰৰ পৰা পৰি যুৱকজনৰ মৃত্যু হোৱাত সমগ্ৰ ধিং অঞ্চলৰ লগতে নগাঁৱৰ পলাশনিতো গভীৰ শোকৰ ছাঁ পৰে । নিহত শ্ৰমিকজনৰ পৰিয়ালক উপযুক্ত ক্ষতিপূৰণ দিবলৈ এয়াৰটেল কোম্পানীক দাবী জনাইছে বিভিন্নজনে (Nagaon labourer death news) । 

লগতে পঢ়ক : Fake Currency Seized: বশিষ্ঠ আৰক্ষীৰ জালত নকল টকাসহ সৰবৰাহকাৰী