Kidnapping in North Guwahati: দিন দুপৰতে উত্তৰ গুৱাহাটীত অপহৰণকাণ্ড

বাইহাটা,১৭ আগষ্ট: ৰাজ্যত ক্ৰমাৎ বৃদ্ধি পাইছে অপৰাধজনিত ঘটনা । পুনৰ বৃহস্পতিবাৰে উত্তৰ গুৱাহাটীত দিন দুপৰতে সংঘটিত হয় এক অপহৰণকাণ্ড । এখন মাৰুটি চুইফ ডিজায়াৰত এগৰাকী কলেজীয়া ছাত্ৰীক অপহৰণৰ ঘটনা সংঘটিত হয় উত্তৰ গুৱাহাটীত । AS01DB4335 নম্বৰৰ চুইফ ডিজায়াৰত অহা দুৰ্বৃত্তই উঠাই নিয়ে কলেজীয়া সাজত থকা ছাত্ৰীগৰাকীক ।  

ছাত্ৰীগৰাকীয়ে আত্মৰক্ষাৰ বাবে চিঞৰ-বাখৰ কৰা শুনি উদ্ধাৰৰ বাবে এজন স্থানীয় যুবকে পিছে পিছে খেদি যায় যদিও অপহৰণকাৰীৰ বাহনখন পলাই যাবলৈ সক্ষম হয় । উত্তৰ গুৱাহাটীৰ ৰজাদূৱাৰ চ'কত ছাত্ৰীগৰাকীয়ে অপহৰণকাৰীৰ গাড়ীৰ পৰা পলাবলৈ চেষ্টা কৰিছিল যদিও সেই চেষ্টাত ছাত্ৰীগৰাকী ব্যৰ্থ হয় । ঘটনাৰ খবৰ পোৱাৰ লগে লগে উত্তৰ গুৱাহাটী আৰক্ষীয়ে আৰম্ভ কৰে জোৰদাৰ তদন্ত । 

লগতে পঢ়ক: Ambulance fell into deep ditch: নাৰায়ণপুৰত ৰোগী কঢ়িওৱা এম্বুলেন্স সোমাল দ খাৱৈত