Kati Bihu Preparation in Majuli: কাতি বিহুক লৈ মাজুলীত ব্যাপক প্ৰস্তুতি

আজি কাতি বিহু (Kati bihu 2022)। সমগ্ৰ ৰাজ্যতে বিহুৰ পৰম্পৰা ৰক্ষা কৰি আজি কাতি বিহু উদযাপন কৰা হ'ব । আজি ৰাজ্যৰ প্ৰতিখন চোতালত তুলসীৰ তলত তথা প্ৰতিখন পথাৰত জ্বলিব চাকি, আকাশ বন্তি । সমগ্ৰ ৰাজ্যৰ লগতে সত্ৰ নগৰী মাজুলীতো কাতি বিহুক লৈ ব্যাপক উৎসাহ দেখা পোৱা গৈছে । ‌কাতি বিহুক লৈ ব্যস্ত হৈ পৰিছে এতিয়া সকলো । ঘৰে ঘৰে তুলসীৰ তলত চাকি-ধূপ-নৈবদ্য আগবঢ়াই নেদেখাজনৰ চৰণত সেৱা আগবঢ়োৱাৰ লগতে চহা কৃষকসকলে সেউজীয়া হৈ পৰা ধাননি পথাৰত চাকি জ্বলাই পোক-পতংগৰ পৰা পৰিত্ৰাণ বিচাৰি কঙালীৰ গৰ্ভত ভোগালীৰ বীজ উৎপত্তি হ’বলৈ প্ৰাৰ্থনা জনাব ।