New Assamese film Raghav: টীয়কত ৰাঘৱৰ প্ৰচাৰত যতীন বৰা

টীয়ক,১১ অক্টোবৰ: আহিবলগীয়া নতুন অসমীয়া ছবি ৰাঘৱৰ প্ৰচাৰৰ বাবে ৰাজ্যৰ দিহিঙে-দিপাঙে ঘূৰিছে ছবিখনৰ কলা-কুশলী । বুধবাৰে যোৰহাটৰ টীয়কত উপস্থিত হয় ছবিখনৰ কলা-কুশলী । জ্যোতি-প্ৰতাপ জ্ঞানমাৰ্গ বিদ্যালয় আৰু টীয়ক ই-মিডিয়া ফ'ৰামৰ উদ্যোগত কলিয়াপানীস্থিত জ্যোতি প্ৰতাপ জ্ঞানমাৰ্গ বিদ্যালয়ৰ প্ৰাংগণত বুধবাৰে টীম ৰাঘৱ উপস্থিত হৈ নতুন অসমীয়া ছবিখনৰ প্ৰচাৰ চলায় ।  

লগতে অহা ২৭ অক্টোবৰত ছবিগৃহলৈ আহিবলগীয়া ব্যয়বহুল তথা অসমৰ বাহিৰৰ বিভিন্ন মনোমোহা অঞ্চলৰ লগতে বিশ্বৰ সৰ্ববৃহৎ ফিল্ম চিটি ৰামোজী ফিল্ম চিটিতো দৃশ্যগ্ৰহণ কৰা ছবিখন সকলোকে চাবলৈ আহ্বান জনাই ছবিখনৰ নায়ক তথা পৰিচালক যতীন বৰাই । লগতে জনপ্ৰিয় অভিনেত্ৰী নিশিতা গোস্বামী, অভিনেতা জীৱিতেশ মজুমদাৰৰ লগতে ছবিখনৰ প্ৰযোজিকা নৱনীতা শৰ্মা আৰু ভাৰত চৰকাৰৰ তথ্য আৰু সম্প্ৰচাৰ মন্ত্ৰালয়ৰ বিভাগীয় বিষয়া হৃষিকেশ ভট্টাচাৰ্যই উপস্থিত ছবিখনক আদৰি ল'বলৈ আহ্বান জনায় ।  

আনহাতে প্ৰিয় অভিনেতা-অভিনেত্ৰীসকলক কাষত পাই বিদ্যালয়খনত সমবেত হোৱা ছবিপ্ৰেমীসকলে চেল্ফি তুলি ৰাঘৱৰ গীতত একেলগে আনন্দ-ফুৰ্তি কৰে । সমান্তৰালভাৱে যতীন বৰা,নিশিতা গোস্বামীয়ে ছবিখনৰ সংলাপ কৈ সকলোকে আপ্লুত কৰি তোলে । ইফালে অসমীয়া ছবিৰ উত্তৰণৰ ক্ষেত্ৰত এইদৰে অসমীয়া ৰাইজে যি সঁহাৰি জনাইছে সেয়া অতি প্ৰশংসনীয় বুলি উপস্থিত সকলোৱে মত প্ৰকাশ কৰাৰ লগতে ৰাঘৱৰ সফলতা কামনা কৰে ।

লগতে পঢ়ক: Assamese Movie Raghav: অসমীয়া ছবিত পোন প্ৰথমবাৰৰ বাবে ৰাঘৱৰ জৰিয়তে ৰাইজে দেখিব কিছু নতুনত্ব- যতীন বৰা