আৰ্থ্ৰাইটিছৰ পৰা ডায়েবিটিছলৈকে মেথি গুটিয়ে কিদৰে উপশম দিব পাৰে ? গৱেষণাৰ পৰাই জানি লওক

মেথি গুটিৰ উপকাৰিতাৰ বিষয়ে হয়তো নতুনকৈ কোৱাৰ কোনো প্ৰয়োজন নাই কিন্তু আপুনি কেতিয়াবা তিয়াই থোৱা মেথি গুটি খোৱাৰ ফলত কিমান উপকাৰিতা সাধন হ’ব পাৰে জানেনে-

কোষ্ঠকাঠিন্য, আৰ্থ্ৰাইটিছ বা গাঁঠিৰ বিষৰ দৰে সমস্যাত বহুতেই যাতনা ভোগে ৷ আপুনিও যদি ভোক্তভোগী, তেতিয়া এক আয়ুৰ্বেদিক প্ৰতিকাৰ আপোনাৰ বাবে অত্যন্ত লাভজনক হ'ব পাৰে ৷ হয়, মাত্ৰ ১৫ দিনৰ বাবে খালী পেটত তিয়াই থোৱা মেথি গুটি খালে আপুনি বহু ৰোগৰ পৰা বাচি থাকিব পাৰে ৷

তিয়াই থোৱা মেথি গুটি খোৱাৰ অবিশ্বাস্য লাভালাভ তলত দিয়া ধৰণৰ-

শক্তিশালী কৰে পাচন তন্ত্ৰ

তিয়াই থোৱা মেথি গুটিত যথেষ্ট পৰিমাণে আঁহ থাকে, যিয়ে পাচন তন্ত্ৰ শক্তিশালী কৰে ৷ ই কোষ্ঠকাঠিন্য হ্ৰাস কৰাৰ লগতে অন্ত্ৰ পৰিস্কাৰ কৰে ৷ নিয়মীয়াকৈ খালে এচিডিটি, পাকস্থলী জ্বলা আৰু গেছৰ সমস্যাৰ পৰা সকাহ দিয়াৰ লগতে খাদ্য সঠিকভাৱে হজম কৰাত সহায় কৰে ৷ যিসকলে সঘনাই পেটৰ বিষ, বদহজম বা এচিডিটিৰ সমস্যাত ভোগে, তেওঁলোকৰ বাবে তিয়াই থোৱা মেথি গুটি খোৱাটো অত্যন্ত উপকাৰী হ'ব পাৰে ৷

শৰ্কৰাৰ মাত্ৰা নিয়ন্ত্ৰণ

তিয়াই থোৱা মেথি ডায়েবেটিছ ৰোগীৰ বাবে আশীৰ্বাদতকৈ কম নহয় ৷ ইয়াত থকা উপাদানে তেজত চেনিৰ মাত্ৰা নিয়ন্ত্ৰণ কৰাত সহায় কৰে ৷ বিশেষকৈ টাইপ-২ ডায়েবেটিছ ৰোগীৰ বাবে ই অত্যন্ত উপকাৰী বুলি প্ৰমাণিত হৈছে ৷ মেথিত থকা ‘গেলেক্ট’মেনন’ নামৰ আঁহে তেজত চেনি শোষণ প্ৰক্ৰিয়াটো লেহেমীয়া কৰে, যাৰ বাবে গ্লুক’জৰ মাত্ৰা সুস্থিৰ হৈ থাকে ৷ তদুপৰি, ইয়াত থকা এমিন’ এচিডে ইনচুলিন হৰম’নৰ উৎপাদন বৃদ্ধি কৰাত সহায় কৰে ৷

ওজন হ্ৰাসত সহায়ক

যদি আপুনি ওজন কমাবলৈ সংগ্ৰাম কৰি আছে, তেন্তে মেথি আপোনাৰ বাবে অতি ফলপ্ৰসূ হ’ব পাৰে ৷ তিয়াই থোৱা মেথিয়ে বিপাকীয় ক্ৰিয়া ক্ষীপ্ৰ কৰে আৰু শৰীৰত জমা হোৱা চৰ্বি কমোৱাত সহায় কৰে ৷ ইয়াত থকা আঁহে ভোক নিয়ন্ত্ৰণ কৰে আৰু অতিমাত্ৰা খাদ্য খোৱাৰ ইচ্ছা কমাই দিয়ে ৷ যাৰ ফলত অপ্ৰয়োজনীয় কেলৰি গ্ৰহণ কমি যায় ৷ যদি আপুনি নিয়মিতভাৱে খোৱা আৰম্ভ কৰে তেন্তে ই আপোনাৰ শৰীৰৰ পৰা বিষাক্ত পদাৰ্থবোৰ বাহিৰ কৰাতো সহায় কৰে আৰু ওজন হ্ৰাস প্ৰক্ৰিয়াটো ক্ষিপ্ৰ কৰে ৷ পুৱা খালী পেটত তিয়াই থোৱা মেথি গুটি খালে পেটটো অধিক সময়লৈকে ভৰপূৰ অনুভৱ হয়, যাৰ ফলত আপোনাৰ বাবে সঘনাই খোৱাৰ অভ্যাস নিয়ন্ত্ৰণ কৰাটো সহায়ক হ’ব পাৰে ৷

সুস্থ কৰি ৰাখে হৃদযন্ত্ৰ

নিয়মিতভাৱে তিয়াই থোৱা মেথি খালে শৰীৰত থকা বেয়া কলেষ্টেৰলৰ পৰিমাণ কমি যায়, যাৰ ফলত হৃদৰোগৰ সম্ভাৱনা কম হয় ৷ ই ৰক্ত সঞ্চালন প্ৰক্ৰিয়া উন্নত কৰে আৰু ধমনীত তেজ বন্ধ হোৱা প্ৰক্ৰিয়া ৰোধ কৰে ৷ যাৰ ফলত হাৰ্ট এটেক আৰু ষ্ট্ৰ’কৰ সম্ভাৱনা কম হয় ৷ তদুপৰি, ইয়াত থকা এন্টিঅক্সিডেন্ট আৰু এন্টি-ইনফ্লেমেটৰী উপাদানে ৰক্তচাপ নিয়ন্ত্ৰণত সহায় কৰে ৷ যদি আপুনি আপোনাৰ হৃদযন্ত্ৰ সুস্থ কৰি ৰাখিবলৈ বিচাৰে, তেন্তে প্ৰতিদিনে পুৱা তিয়াই থোৱা মেথি খাবলৈ আৰম্ভ কৰক ৷

বাতবিষ, গাঁঠিৰ বিষৰ পৰা উপশম

মেথিত থকা প্ৰদাহ নিবাৰণকাৰী গুণে বাত বিষ আৰু গাঁঠিৰ বিষৰ পৰা উপশম পোৱাত সহায় কৰে ৷ ফুলা কমোৱাত আৰু শৰীৰৰ নমনীয়তা বজাই ৰখাত ই সহায়ক ৷ যিসকল বাত বিষ, অষ্টিঅ’আৰ্থাইটিছ অথবা বাত বিষত আক্ৰান্ত তেওঁলোকৰ বাবে এই ঘৰুৱা উপায় অতি উপকাৰী বুলি প্ৰমাণিত হ’ব পাৰে ৷ মেথিৰ গুটিত কেলচিয়াম, আইৰণ আৰু ফছফৰাছ থাকে, যিয়ে হাড় মজবুত কৰে আৰু গাঁঠিত লুব্ৰিকেচন বজাই ৰাখে ৷ প্ৰতিদিনে পুৱা তিয়াই থোৱা মেথি খালে কেইসপ্তাহমানৰ ভিতৰতে গাঁঠিৰ বিষ আৰু ফুলা কমি যাব পাৰে ৷

চুলি-ছালৰ বাবে উপকাৰী

মেথি গুটিত থকা এন্টিঅক্সিডেন্ট আৰু পুষ্টিকৰ উপাদানে চুলিক মজবুত আৰু চিকচিকিয়া কৰি তোলে ৷ ই মূৰৰ ছালত ৰক্ত সঞ্চালন বৃদ্ধি কৰি চুলিৰ গুৰি শক্তিশালী কৰে আৰু উফিৰ সমস্যাৰ পৰাও সকাহ দিয়ে ৷ যদি আপুনি চুলিৰ সমস্যাবোৰত ভাৰাক্ৰান্ত হৈ আছে, তেন্তে তিয়াই থোৱা মেথি গুটি খোৱাৰ লগতে ইয়াৰ মেথি গুটিৰে তৈয়াৰী চুলিৰ মাস্ক লগাব পাৰে ৷

মেথিৰ গুটি ছালৰ বাবেও অতি উপকাৰী ৷ ই ছালৰ পৰা বিষাক্ত পদাৰ্থ আঁতৰাই ছালখনক পৰিস্কাৰ আৰু উজ্জ্বল কৰি তোলে ৷ ইয়াত থকা এন্টি-বেক্টেৰিয়েল গুণে শালমইনা, বলিৰেখাৰ সমস্যা দূৰ কৰাত সহায় কৰে ৷ দৈনিক খালে ছালখন চিৰযৌৱনা হৈ থাকে আৰু মুখমণ্ডললৈ প্ৰাকৃতিক উজ্জ্বলতা আনে ৷

তিয়াই থোৱা মেথি কেনেকৈ খাব ?

এচামুচ মেথি গুটি পানীত ৰাতি তিয়াই থ’ব ৷ পুৱা উঠি মেথি গুটিখিনি খালি পেটত খাব লাগে ৷ একেৰাহে ১৫ দিন খালেই আপুনি বহু স্বাস্থ্য সমস্যাৰ পৰা পৰিত্ৰাণ লাভ কৰিব ৷ তিয়াই থোৱা মেথি গুটি স্বাস্থ্যৰ বাবে অতি উপকাৰী আৰু আয়ুৰ্বেদত ইয়াক প্ৰাকৃতিক ঔষধ বুলি গণ্য কৰা হয় ৷ যদি আপুনিও আপোনাৰ স্বাস্থ্য উন্নত কৰিব বিচাৰে, তেন্তে মেথি গুটি খোৱাটো আপোনাৰ দৈনন্দিন খাদ্য তালিকাত অন্তৰ্ভুক্ত কৰিব পাৰে ৷

উৎস:-https://pmc.ncbi.nlm.nih.gov/articles/PMC4020548/

(সতৰ্কীকৰণ: এই প্ৰতিবেদনত আপোনাক দিয়া সকলো স্বাস্থ্য তথা জীৱনশৈলী সম্পৰ্কীয় যিকোনো তথ্য আৰু পৰামৰ্শ কেৱল আপোনাৰ সাধাৰণ তথ্যৰ বাবেহে আগবঢ়োৱা হৈছে । আমি এই তথ্য বৈজ্ঞানিক গৱেষণা, অধ্যয়ন, চিকিৎসা আৰু স্বাস্থ্য পেছাদাৰী পৰামৰ্শৰ ভিত্তিত প্ৰদান কৰিছো । আপুনি এই উপায় বা পদ্ধতি অনুসৰণ কৰাৰ আগতে এই বিষয়ে বিতংভাৱে জনাটো উচিত তথা আপোনাৰ ব্যক্তিগত চিকিৎসকৰ পৰামৰ্শ গ্ৰহণ কৰাটো উচিত ।)

লগতে পঢ়ক