IPL Gambler Arrested: কাছাৰ আৰক্ষীৰ জালত 39 লাখ টকাসহ দুই আই পি এল জুৱাৰী

কৰিমগঞ্জ, 18 মে’: আই পি এল জুৱাৰ বিৰুদ্ধে কঠোৰ কাছাৰ আৰক্ষী ৷ আই পি এল জুৱাৰ বিৰুদ্ধে অভিযান চলাই সফলতা কাছাৰ আৰক্ষীৰ ৷ অভিযানত জব্দ জুৱাত ব্যৱহৃত 39 লাখ টকা, এটা লেপটপসহ ৮ টা মোবাইল ৷ লগতে দুটাকৈ কুখ্যাত জুৱাৰীক গ্ৰেপ্তাৰ কাছাৰ আৰক্ষীৰ (IPL Gambler Arrested in Cachar) ৷  

কাছাৰৰ আৰক্ষী অধীক্ষক নোমল মাহাত্তাই জনোৱা মতে, কাছাৰ আৰক্ষীয়ে শিলচৰ-হাইলাকান্দি ৰোডৰ সমীপত, শিৱাজী নগৰত অভিযান চলাই 2 টাকৈ আই পি এল জুৱাৰীক আটক কৰে ৷ ধৃত জুৱাৰী কেইটা গৌতম ৰয় আৰু ৰূপম মডাক বুলি জানিব পৰা গৈছে ৷ ধৃত দুই জুৱাৰীৰ পৰা 3খন বহী, ৮ টা ম’বাইল, এটা দামী লেপটপৰ লগতে নগদ 39 লাখ টকা জব্দ কৰে আৰক্ষীয়ে (IPL Gambler Arrested)  ৷

কাছাৰ আৰক্ষী অধীক্ষকগৰাকীয়ে লগতে কয় যে আই পি এল জুৱাৰ বিৰুদ্ধে অভিযান অব্যাহত থাকিব ৷ ইতিমধ্যে ধৃত জুৱাৰী দুটাক জেৰা অব্যাহত ৰাখিছে আৰক্ষীয়ে ৷

লগতে পঢ়ক: Fake gold smuggler arrested: শোণিতপুৰ জিলাৰ গুদামঘাটত নকল সোণসহ আটক সৰবৰাহকাৰী