Water filled cylinder: পাকঘৰত এইবাৰ গেছৰ পৰিৱৰ্তে পানীৰ চিলিণ্ডাৰ

ৰন্ধন গেছৰ দামবৃদ্ধিত সাধাৰণ জনতা জুৰুলা হোৱাৰ সময়তে কোনো অজ্ঞাত লোকে উদ্ভাৱন কৰিলে পানীৰ চিলিণ্ডাৰ ৷ যি চিলিণ্ডাৰৰ ভিতৰত গেছৰ পৰিৱৰ্তে পোৱা গৈছে কেৱল পানী ৷ এই চিলিণ্ডাৰৰ দাম গেছভৰ্তি চিলিণ্ডাৰৰ সৈতে একেই ৷ মাজুলীত পোৱা গৈছে এই চিলিণ্ডাৰ (Water filled cylinder in Majuli) ৷ এই অদ্ভুত চিলিণ্ডাৰটো মাজুলীৰ ভকতি দুৱাৰ তিনি আলিৰ এজন যুৱকে এজেঞ্চীৰ পৰা ঘৰলৈ বুলি আনিছিল ৷ চিলিণ্ডাৰটো সংযোগ কৰাৰ কৰাৰ পাছতো বাৰ্ণাৰত জুই নজ্বলাত পোহৰলৈ আহে আশ্বৰ্যকৰ ঘটনাটো ৷ চিলিণ্ডাৰটো পৰীক্ষা কৰাত গেছৰ পৰিৱৰ্তে পোৱা গ’ল পানী ৷ তদন্তৰ জৰিয়তে উক্ত চিলিণ্ডাৰটোৰ উদ্ভাৱকক আটক কৰি উচিত শাস্তি প্ৰদানৰ দাবী জনাইছে স্থানীয় ৰাইজে ৷