Lachit Divas 2022: লাচিত দিৱসৰ লগত সংগতি ৰাখি যোৰহাটত পৰম্পৰাগত খেলৰ প্ৰতিযোগিতা

ৰাজ্যৰ ভিন্ন প্ৰান্তত বিভিন্ন কাৰ্যসূচীৰে লাচিত বৰফুকনৰ জন্ম জয়ন্তীৰ আয়োজন কৰা হৈছে (Lachit Borphukan birth anniversary)। যোৰহাট জিলা প্ৰশাসনেও লাচিত দিৱসৰ লগত সংগতি ৰাখি পৰম্পৰাগত খেলৰ প্ৰতিযোগিতাৰ আয়োজন কৰিছে । তাৰ অংশস্বৰূপে পৰম্পৰাগত টেকেলি ভঙা খেলত অংশ লয় যোৰহাট জিলা উপায়ুক্ত অশোক কুমাৰ বৰ্মন, অতিৰিক্ত উপায়ুক্ত দামোদৰ বৰ্মন, কবিতা কাকতি কোঁৱৰৰ লগতে বহু কেইগৰাকী বিষয়াই (Indigenous sports competition)। টেকেলি ভঙা খেলৰ উপৰিও তেল লগোৱা খুটাত বগোৱা, ৰছী টনা প্ৰতিযোগিতাৰ লগতে বহু কেইটা পৰম্পৰাগত খেলৰ প্ৰতিযোগিতাৰ আয়োজন কৰা হয় । প্ৰতিযোগিতাসমূহত সাধাৰণ ৰাইজৰ লগতে বিভিন্ন শিক্ষা প্ৰতিষ্ঠানৰ শিক্ষাৰ্থীয়ে অংশগ্ৰহণ কৰে ।