Husband suspicious over wife: পত্নীক পৰ পুৰুষৰ লগত সন্দেহ, স্বামীৰ লক্ষ্মণ ৰেখা পাৰ হওঁতেই পত্নীৰ মৃত্যু

বোকাখাত , 5 অক্টোবৰ : গোলাঘাট জিলাৰ বোকাখাটত ভয়ংকৰ ঘটনা পোহৰলৈ আহিছে ৷ স্বামীৰ সন্দেহৰ বলি হৈ মৃত্যু হয় পত্নীৰ ৷ বোকাখাতৰ ৰজাবাৰী প'ল ক্লাবৰ সমীপত এই আশ্চৰ্যজনক ঘটনা সংঘটিত হৈছে ৷ মৃত মহিলাগৰাকীৰ নাম বিনীতা তাঁতী বুলি জানিব পৰা গৈছে ৷ স্বামীয়ে আঁকি থৈ যোৱা লক্ষ্মণ ৰেখা পাৰ হওঁতেই শোকাৱহ মৃত্যুক সাৱটি লয় পত্নীয়ে ৷

ঘটনাৰ বিৱৰণী অনুসৰি, স্বামী বাবুল নাহকে পত্নীক পৰ পুৰুষৰ লগত বিবাহ বহিৰ্ভূত সম্পৰ্ক ৰখা বুলি সন্দেহ কৰে ৷ দিনে দিনে এই সন্দেহ ক্ৰমাৎ বৃদ্ধি হোৱাত স্বামীয়ে পত্নীয়ে ঘৰৰ পৰা বাহিৰলৈ ওলাব নোৱাৰাকৈ বিছনাৰ কাষত সংযোগ কৰি যায় বিদ্যুৎ সংযোগ। পত্নী বিনীতাই বিদ্যুৎ সংযোগ কৰা কথা জ্ঞাত নোহোৱাৰ বাবে বিচনাৰ পৰা নমাৰ পাচতেই বিদ্যুৎস্পৃষ্ট হৈ মৃত্যু মুখত পৰে। ইতিমধ্যেই ঘটনাস্থলীত উপস্থিত হৈ বোকাখাত আৰক্ষীয়ে আটক কৰিছে স্বামী বাবুল নাহকক।

লগতে পঢ়ক: Illegal Timber Sized: অবৈধভাৱে কাঠ সৰবৰাহ কৰা বাহন জব্দ