Intoxicating tablets seized: পাণ দোকানৰ পৰা বৃহৎ পৰিমাণৰ নিচা জাতীয় টেবলেট জব্দ

মৰাণ, 16 অক্টোবৰ : ৰাজ্যজুৰি নিচাযুক্ত সামগ্ৰীৰ বিৰুদ্ধে কঠোৰ অভিযান অব্যাহত আছে ৷ এইবাৰ চৰাইদেউ দিলাৰ সোণাৰিত এখন পাণ দোকানৰ পৰা বুজন পৰিমাণৰ নিচাজাতীয় টেবলেট জব্দ কৰিবলৈ সক্ষম হয় সোণাৰি আৰক্ষী ৷ 

ঘটনাৰ বিৱৰণী অনুসৰি, এক গোপন তথ্যৰ ভিত্তিত সোণাৰিৰ নামতোলা পথত অভিযান চলাই এখন পাণ দোকানৰ পৰা সোণাৰি আৰক্ষীয়ে জব্দ কৰে টেবলেটখিনি ৷ নিচাজাতীয় টেবলেট খিনি জব্দ কৰাৰ পিচতেই দোকানখনৰ স্বত্বাধিকাৰী ৰমেশ প্ৰসাদ যাদৱক সোণাৰি আৰক্ষীয়ে আটক কৰি লৈ যায় ৷ আৰক্ষী সম্প্ৰতি ৰমেশক জেৰা অব্যাহত ৰাখিছে বুলি জানিব পৰা গৈছে ৷ উল্লেখ্য যে, নিচাজাতীয় সামগ্ৰীৰ বিৰুদ্ধে সোণাৰি আৰক্ষীয়ে সময়ে সময়ে অভিযান অব্যাহত ৰাখিছে যদিও একাংশ দুষ্ট চক্ৰই এতিয়াও অব্যাহত ৰাখিছে এই ব্যৱসায়।

লগতে পঢ়ক: Fire in cracker factory: আতচবাজী ফেক্টৰীত অগ্নিকাণ্ড, এজন যুৱকৰ মৃত্যু