Burmese supari seized at Merapani : সৰবৰাহকাৰীসহ মেৰাপানী সীমান্তত জব্দ বাৰ্মিজ চুপাৰী

মেৰাপানী, 8 ছেপ্টেম্বৰ : মেৰাপানী সীমান্তত জব্দ হৈছে বাৰ্মিজ চুপাৰী ভৰ্তি এখন ট্ৰাক । বৃহস্পতিবাৰে নিশা মেৰাপানী আৰক্ষীৰ অভিযানত আটক হৈছে এটা চুপাৰী মাফিয়াসহ গাড়ীচালকক । আটকাধীন কেইটা হৈছে ৰাতুল আলী আৰু গাড়ী চালক মতিজুল আলী ।

নাগালেণ্ডৰ পৰা AS02 CC 6972 নম্বৰৰ এখন 909 ট্ৰাকেৰে মেৰাপানীলৈ বাৰ্মিজ চুপাৰী সৰবৰাহ উদ্দেশ্য গৈ আছিল ৷ তেনেতে নেঘৰীবিল চাৰিআলিত নিশা আৰক্ষীয়ে জব্দ কৰে ট্ৰাকখন । জানিব পৰা মতে, কেইবা লক্ষাধিক টকাৰ চুপাৰীখিনি গাড়ীৰ মাজত ট্ৰায়াৰৰে ঢাকি আনিছিল সৰবৰাহকাৰীয়ে । এই চুপাৰী সৰবৰাহৰ আঁৰত এটা বৃহৎ চক্ৰ জড়িত থকাৰ সন্দেহ কৰিছে স্থানীয় ৰাইজে ।

অভিযোগ অনুসৰি দীৰ্ঘদিন ধৰি এনে অবৈধ ব্যৱসায়ৰ সৈতে জড়িত ৰাতুল আলী আৰু তেওঁৰ বহু সতীৰ্থ ৷ আনকি কিছুদিনৰ পূৰ্বে চুপাৰী সৰবৰাহৰ সৈতে কোনোধৰণৰ সম্পৰ্ক নাই বুলি ৰাতুল আলীসহ তিনি যুৱকে মেৰাপানীত সংবাদমেলৰ আয়োজন কৰিছিল ৷ কিন্তু বৃহস্পতিবাৰে নিশা আৰক্ষীয়ে ৰাতুলক হাতে লোটে আটক কৰাৰ পাচতেই ঘটনাৰ সত্যতা পোহৰলৈ আহে ।

লগতে পঢ়ক : Theft at Moinbari Satra: মইনবড়ী সত্ৰত চুৰিকাণ্ড; ৰাধা-কৃষ্ণৰ মূৰ্তি লুট, ছিন্ন বিছিন্ন হনুমানৰ মূৰ্তি