Road Accident at Jamugurihat : জামুগুৰিহাটৰ মাধৱ উৰণ সেতুৰ তলত ভয়ংকৰ পথ দুৰ্ঘটনা

চতিয়া,30 ছেপ্টেম্বৰ : শনিবাৰে দুপৰীয়া জামুগুৰিহাটৰ মাধৱ উৰণ সেতুৰ তলত সংঘটিত হয় এক ভয়ংকৰ পথ দুৰ্ঘটনা ৷ দুৰ্ঘটনাৰ ফলত 10 জনকৈ লোক আহত হৈছে ৷ ঘটনা অনুসৰি, ৰাষ্ট্ৰীয় ঘাইপথেৰে আহি আছিল এখন স্কৰ’পিঅ বাহন ৷ উৰণ সেতুৰ তলত পোৱাৰ লগে লগে স্কৰ’পিঅ বাহনত খুন্দা মাৰে তীব্ৰবেগী টাটা বাহনে ৷ ফলত নিয়ন্ত্ৰণ হেৰুৱাই দ-খাৱৈত বাগৰি পৰে তেজপুৰ দিশৰপৰা আহি থকা AS-12M-6134 নম্বৰৰ স্কৰ’পিঅ বাহনখন ৷ আহাতে দুৰ্ঘটনাগ্ৰস্ত টাটা বাহনখনৰ নাম্বাৰ AS-02-AG-3333 ৷

ইফালে দুয়োখন বাহনতে 5 জনকৈ যাত্ৰী আছিল বুলি জানিব পৰা গৈছে ৷ উল্লেখ্য যে, নৱনিৰ্মিত চাৰিলেনযুক্ত পথৰ তলত কোনো সাংকেতিক চিহ্ন নথকাৰ বাবেই বিগত 24 ঘন্টাত 4 টাকৈ দুৰ্ঘটনা হৈছে বুলি জানিবলৈ দিছে স্থানীয় ৰাইজে ৷ আনহাতে আহত লোক কেইজনক স্থানীয় ৰাইজে উদ্ধাৰ কৰি চিকিৎসালয়লৈ প্ৰেৰণ কৰে ৷

লগতে পঢ়ক:Students travel through small boat:এখন দলঙৰ বাবেই কেতিয়াবা বিদ্যালয়লৈ গৈয়ো উভতিবলগীয়া হয় ঘৰলৈ