Home Minister Amit Shah Arunachal visit : ডিব্ৰুগড় বিমান বন্দৰত গৃহমন্ত্ৰী অমিত শ্বাহক আদৰণি

ডিব্ৰুগড়, ১০ এপ্ৰিল : দুদিনীয়া কাৰ্যসূচীৰে অসম আৰু অৰুণাচল ভ্ৰমণৰ বাবে সোমবাৰে কেন্দ্ৰীয় গৃহমন্ত্ৰী অমিত শ্বাহ ডিব্ৰুগড়ত উপস্থিত হয় (Home Minister Amit Shah to visit Arunachal)। দিনৰ ১.৪৫ বজাত ডিব্ৰুগড় বিমান বন্দৰত কেন্দ্ৰীয় গৃহমন্ত্ৰী অমিত শ্বাহক আদৰণি জনাই মুখ্যমন্ত্ৰী ড৹ হিমন্ত বিশ্ব শৰ্মাই (Home Minister Amit Shah at Dibrugarh Airport)। 

মুখ্যমন্ত্ৰীৰ লগত উপস্থিত থাকে ৰাজ্যিক বিজেপিৰ সভাপতি ভৱেশ কলিতা,কেন্দ্ৰীয় ৰাজ্যিক মন্ত্ৰী ৰামেশ্বৰ তেলী, মন্ত্ৰী অজন্তা নেওগ, বিমল বড়া, সঞ্জয় কিষাণকে ধৰি কেইবাগৰাকী মন্ত্ৰী-বিধায়ক তথা সাংসদে । কেন্দ্ৰীয় গৃহমন্ত্ৰীগৰাকীয়ে ইয়াৰ পৰাই বি এছ এফৰ বিশেষ হেলিকপ্টাৰেৰে অৰুণাচলৰ কিবিথুলৈ ৰাওনা হ'ব (Home Minister Amit Shah in Arunachal)।  

সোমবাৰে কেন্দ্ৰীয় গৃহমন্ত্ৰীগৰাকীয়ে অৰুণাচলৰ কিবিথুৰ এখন গাঁৱত 'ভাইব্ৰেন্ট ভিলেজ' নামৰ শীৰ্ষক এক আঁচনি শুভাৰম্ভ কৰিব । কিবিথুত আইটিবিপিৰ কৰ্মীসকলৰ সৈতেও গৃহমন্ত্ৰীগৰাকীয়ে মত বিনিময় কৰিব । তদুপৰি সীমান্ত জিলাসমূহৰ আত্মসহায়ক গোটৰ মহিলা সদস্যসকলে নিৰ্মাণ কৰা সামগ্ৰীসমূহৰো প্ৰদৰ্শনীৰো আয়োজন কৰা হৈছে । লগতে ১১ এপ্ৰিলত কেন্দ্ৰীয় গৃহমন্ত্ৰীগৰাকীয়ে নামতি পথাৰ পৰিদৰ্শন কৰি ৱালং যুদ্ধ স্মাৰকত শ্ৰদ্ধাঞ্জলি জ্ঞাপন কৰিব (Walong War Memorial) ।

ইয়াৰ পিছতে তেওঁ ১১ এপ্ৰিলত পুনৰ ডিব্ৰুগড়লৈ আহিব । ডিব্ৰুগড়ত নিৰ্মাণ হ'বলগীয়া বিজেপিৰ মাণ্ডলিক কাৰ্যালয়ৰ ভূমি পূজন কৰি মানকটা খেলপথাৰত অনুষ্ঠিত হ'বলগীয়া বিশাল জনসভাতো অংশ ল'ব কেন্দ্ৰীয় গৃহমন্ত্ৰী অমিত শ্বাহে । ইতিমধ্যে অমিত শ্বাহৰ আগমণক লৈ ডিব্ৰুগড়ত ব্যাপক নিৰাপত্তা ব্যৱস্থা গঢ়ি তোলা হৈছে ।

লগতে পঢ়ক: Amit Shah to visit Arunachal : দুদিনীয়া ভ্ৰমণসূচীৰে সোমবাৰে অৰুণাচললৈ কেন্দ্ৰীয় গৃহমন্ত্ৰী অমিত শ্বাহ