চুৰি কৰা বাইকেৰে বন্ধুক লৈ গৈছিল প্ৰেয়সীক লগ কৰিবলৈ, বশিষ্ঠত পৰিল ধৰা

গুৱাহাটী, ১৬ নৱেম্বৰ : খাই কাৰ্শলা ডালত উঠিল, কাঠি চেলেকাৰ মৰণ মিলিল ৷ বন্ধু পিংকু বড়োৱে সূৰ্য কুমাৰ শৰ্মাক বৃহস্পতিবাৰে লগ ধৰিলে, ’’ব’ল মোৰ গাৰ্লফ্ৰেণ্ডক লগ কৰি আহোঁ ৷’’ বন্ধুৱে মাতিছে যেতিয়া সূৰ্যও ওলাল ৷ কিন্তু আদবাটতে লাগিল অথন্তৰ ৷ যিখন পালছাৰ বাইক লৈ পিংকুৱে সূৰ্যক লৈ গৈছিল, সেইখন চুৰি কৰা বাইক ৷ বশিষ্ঠ মন্দিৰ আৰক্ষী পহৰা চকী আৰু বিশেষ অভিযান গোটৰ অভিযানত ধৰা পৰে এই কথা ৷ অৱশ্যে আৰক্ষীয়ে বাইকখন চুৰি কৰি অনা বুলি ধৰা পেলোৱাৰ লগে লগে প্ৰেয়সীক লগ কৰিবলৈ অহা পিংকু পলাই সাৰিবলৈ সক্ষম হয় ৷ প্ৰেয়সীক লগ কৰিবলৈ যাওতে লগত লৈ যোৱা বন্ধু সূৰ্য কুমাৰ শৰ্মাৰ হাতত আৰক্ষীয়ে লগালে হেণ্ডকাফ্ ৷ আৰক্ষীয়ে জব্দ কৰে AS14 L0405 নম্বৰৰ চুৰি কৰি অনা পালছাৰ বাইকখন ।

লগতে পঢ়ক : Student Attack by miscreants: কলেজলৈ গৈ থকা অৱস্থাত ছাত্ৰীক ছুৰীকাঘাত দুই যুৱকৰ