টীয়কত শূণ্যলৈ গুলীচালনা, তদন্ত আৰম্ভ

টীয়ক, ১৫ ডিচেম্বৰ : যোৰহাট জিলাৰ টীয়কৰ কাকজান বামকুকুৰাচোৱাত বৃহস্পতিবাৰে সন্ধিয়া কোনো দুৰ্বৃত্তই শূণ্যলৈ গুলীচালনা কৰা ঘটনাই চাঞ্চল্যৰ সৃষ্টি কৰিছে সমগ্ৰ অঞ্চলত । ঘটনা সন্দৰ্ভত স্থানীয় লোকে জনোৱা অনুসৰি, মটৰ চাইকেলত অহা যুৱকে গাঁওখনৰ দুটা স্থানত শূণ্যলৈ গুলীচালনা কৰি পলায়ন কৰে । অৱশ্যে কোনে আৰু কিয় এই কাণ্ড সংঘটিত কৰিলে সেয়া এতিয়ালৈকে জানিব পৰা নাই ।

ঘটনা সংঘটিত হোৱাৰ পাচতে ঘটনাস্থলীত জিলাখনৰ উচ্চপদস্থ বিষয়া উপস্থিত হৈ তদন্ত আৰম্ভ কৰিছে । মেটেল ডিটেক্টৰৰ সহায়ত আৰক্ষীয়ে ঘটনাস্থলীত বৃহস্পতিবাৰেই খালী কাৰ্টিজৰ সন্ধান কৰে যদিও সন্ধান লাভ কৰাত ব্যৰ্থ হয় । শুকুৰবাৰে পুৱা পুনৰ কাৰ্টিজৰ সন্ধান কৰে যদিও বৰ্তমানলৈ কোনো সন্ধান লাভ কৰা নাই ।  

যোৰহাট লিচুবাৰীত নিৰ্বিঘ্নে যাতে বিস্ফোৰণ সংঘটিত কৰিব পাৰে তাৰবাবে আৰক্ষীক অন্যফালে ব্যস্ত কৰাৰ উদ্দেশ্যে কাকজানত এনেদৰে শূণ্যলৈ গুলী ফুটোৱা কাৰ্য সংঘটিত কৰে বুলি এক সূত্ৰই সদৰী কৰে । কিন্তু একাংশ গাঁওবাসীয়ে এই গুলী ফুটোৱা ঘটনা ড্ৰাগছ ব্যৱসায়ৰে জড়িত যুৱকে সংঘটিত কৰা বুলি দাবী কৰিছে । অৱশ্যে আৰক্ষীৰ তদন্তৰ অন্ততহে প্ৰকৃত ঘটনা পোহৰলৈ আহিব ।  

লগতে পঢ়ক: যোৰহাটৰ কাকজানত শূন্যলৈ গুলী দুৰ্বৃত্তৰ