Hand grenade found : পেঙেৰীৰ ইনথেম নগাপথাৰত গ্ৰেনেড উদ্ধাৰ, বিস্ফোৰিত কৰে সেনাবাহিনীয়ে

তিনিচুকীয়া, 21 অক্টোবৰ : দুৰ্গা পূজাৰ আনন্দ-উলাহৰ মাজতেই তিনিচুকীয়া জিলাৰ পেঙেৰী আৰক্ষী থানাৰ অন্তৰ্গত পেঙেৰী নগাপথাৰত উদ্ধাৰ হৈছে এটা সক্ৰিয় গ্ৰেনেড ৷ পেঙেৰী ইনথেম নগাপথাৰৰ বৌদ্ধ মন্দিৰৰ কাষত কেইটিমান শিশুৱে খেলি থকাৰ সময়তেই উদ্ধাৰ হৈছিল গ্ৰেনেডটো ৷

পৰৱৰ্তী সময়ত গ্ৰেনেড নিস্ক্ৰিয় কৰিবলৈ দিনজানস্থিত ভাৰতীয় সেনা শিবিৰৰ দল উপস্থিত হয় ৷ ঘটনাস্থলীত বোমা বিশেষজ্ঞ উপস্থিত হৈ পেঙেৰীৰ বুঢ়ীদিহিং নদীৰ ঘাটত বালিত বোমাটটো বিস্ফোৰিত কৰে ৷ সমগ্ৰ অঞ্চলটোত গ্ৰেনেড উদ্ধাৰক লৈ তীব্ৰ চাঞ্চল্যৰ সৃষ্টি হৈছে ৷ উল্লেখযোগ্য যে, চাৰি দিন পূৰ্বে পেঙেৰী আৰক্ষী থানাৰ অন্তৰ্গত ফিল'বাৰীৰ তৰাণিতো উদ্ধাৰ হৈছিল আমেৰিকাত নিৰ্মিত 81 এম এম মৰ্টাৰ ৷ 

লগতে পঢ়ক : Women drugs peddler: নিউ বঙাইগাঁও ৰেলৱে ষ্টেচনত ড্ৰাগছৰ বিৰুদ্ধে অভিযান ৰে’লৱে আৰক্ষীৰ