Golden Jubilee of Sarupathar College: সৰুপথাৰ মহাবিদ্যালয়ৰ স্বৰ্ণজয়ন্তী অনুষ্ঠানত বাৰেৰহনীয়া সাংস্কৃতিক শোভাযাত্ৰা

সৰুপথাৰ,5 নৱেম্বৰ : দৈয়াং-ধনশিৰি উপত্যকাৰ বৌদ্ধিক আন্দোলনক নেতৃত্ব দিয়া সৰুপথাৰ মহাবিদ্যালয়ে সোণালী বৰ্ষত ভৰি দিলে ৷ তিনিদিনীয়াকৈ অনুষ্ঠিত সৰুপথাৰ মহাবিদ্যালয়ৰ স্বৰ্ণজয়ন্তী সামৰণি অনুষ্ঠানৰ আজি অন্তিম দিন ৷ দেওবাৰে মহাবিদ্যালয়খনৰ সোণালী জয়ন্তী সামৰণি অনুষ্ঠানৰ অন্তিম দিনা এক বৃহৎ সাংস্কৃতিক শোভাযাত্ৰা বাহিৰ কৰা হয় ৷ সৰুপথাৰ চহৰৰ মাজেৰে বাহিৰ কৰা শোভাযাত্ৰাত অসমৰ বিভিন্ন জাতি-জনগোষ্ঠীৰ সাংস্কৃতিক দলে অংশগ্ৰহণ কৰে ৷

বড়ো, কাৰ্বি, মিচিঙৰ লগতে চুবুৰী ৰাজ্য নাগালেণ্ডৰ লোকেও সাংস্কৃতি শোভাযাত্ৰাত অংশ গ্ৰহণ কৰে ৷ আনহাতে ধনশিৰি মহকুমাৰ প্ৰায় সংখ্যক বিদ্যালয়-মহাবিদ্যালয়ৰ ছাত্ৰ-ছাত্ৰীকে ধৰি প্ৰায় 3000তকৈ অধিক লোকে এই শোভাযাত্ৰাত অংশগ্ৰহণ কৰে ৷ আগন্তুক দিনত মহাবিদ্যালয়খনে অধিক তৰান্বিত গতিৰে আগবাঢ়ি যাওক তাৰে কামনা কৰিছে প্ৰতিজন সৰুপথাৰবাসীয়ে ৷

লগতে পঢ়ক:Mid day meal workers protest: ৰন্ধন কৰ্মীয়ে ঘেৰাও কৰিলে গোলাঘাটৰ জিলা শিক্ষা বিভাগৰ কাৰ্যালয়