Golaghat Triple Murder Update : পঞ্চভূতত বিলীন হ’ল সংঘমিত্ৰা, সঞ্জীৱ আৰু জুনুৰ নশ্বৰ দেহ

যোৰহাট, 25 জুলাই:  ৰাজ্য কঁপাইছে গোলাঘাট ট্ৰিপল মাৰ্ডাৰ কেছে ৷ সোমবাৰে বিয়লি গোলাঘাট চহৰৰ মাজমজিয়াত জোৱাঁয়েকে নৃশংসভাৱে হত্যা কৰিছিল পত্নী, শাহু আৰু শহুৰেকক ৷ 

ইয়াৰ পিচতে আজি অৰ্থাৎ 25 জুলাইত এক শোকাকুল পৰিৱেশৰ মাজত পিতৃ, মাতৃ আৰু জেষ্ঠ্য কন্যা মুখাগ্নি কৰে কনিষ্ঠ কন্যাই ৷ কটকটীয়া নিৰাপত্তা বেষ্টনীৰ মাজত গোলাঘাট ৰাজহুৱা মাৰোৱাৰী শ্মশানত শেষকৃত্য সম্পন্ন কৰা হয় ৷ জোৱাঁয়েক নাজিবুৰ ৰহমান বৰাই দিন দুপৰতে পত্নী সংঘমিত্ৰা ঘোষ, শহুৰ সঞ্জীৱ ঘোষ আৰু শাহুৱেক জুনু ঘোষক দাৰে ঘপিয়াই নৃশংসভাৱে হত্যা কৰিছিল ৷  

পিতৃ, মাতৃ আৰু জেষ্ঠ কন্যা অন্ত্যেষ্টিক্ৰিয়া সম্পন্ন কৰে কনিষ্ঠ কন্যা অংকিতা ঘোষে ৷ তিনিখন চিতাত শাৰী শাৰীকৈ তিনিটি মৃতদেহত মুখাগ্নি কৰে শোকত ভাগি পৰে অংকিতা ৷ সঞ্জীৱ ঘোষ আৰু জুনু ঘোষৰ কন্যা সংঘমিত্ৰা ঘোষৰ লগত বিবাহপাশত আৱদ্ধ হৈছিল নাজিবুৰৰ ৷ পৰিয়ালকেন্দ্ৰিক সংঘাতৰ কাৰণেই নাজিবুৰে এনে কাণ্ড সংঘটিত কৰিছে বুলি সন্দেহ কৰা হৈছে ৷ 

ইতিমধ্যে এই ঘটনা সংঘটিত কৰিয়েই নাজিবুৰে নমহীয়া সন্তানটিৰ সৈতে সোমবাৰে বিয়লি গোলাঘাট সদৰ থানাত আত্মসমৰ্পণ কৰিছে ৷

লগতে পঢ়ক: Golaghat tripple Murder: হত্যাকাৰীৰ ফাঁচীৰ দাবীত উত্তপ্ত গোলাঘাট; CID ৰ দল উপস্থিত গোলাঘাটত