Durga Idol Immersion Biswanath : বিশ্বনাথত ব্যাপক আনন্দ-উল্লাসৰ মাজেৰে দেৱীৰ প্ৰতিমা বিসৰ্জন

বিশ্বনাথ, ২৪ অক্টোবৰ : সমগ্ৰ ৰাজ্যৰ লগতে বিশ্বনাথতো মঙলবাৰে ব্যাপক আনন্দ-উল্লাসৰ মাজেৰে দুৰ্গাৰ প্ৰতিমা বিসৰ্জন দিয়া হয় ৷ বিসৰ্জন কাৰ্যসূচী সুকলমে বৰ্তমান সময়লৈকে চলি আছে জিলাখনৰ বিভিন্ন প্ৰান্তত নদীৰ ঘাটসমূহত । বিশ্বনাথ চাৰিআলিত ৯০ খন, গহপুৰ মহকুমাত প্ৰায় ৯০ খন, বৰগাং আৰক্ষী চকী অন্তৰ্গত ৮ খন আৰু বিহালী আৰক্ষী থানা অন্তৰ্গত আশে-পাশে থকা প্ৰায় ২০ খনৰো অধিক পূজা মণ্ডপৰ দেৱী দুৰ্গাৰ প্ৰতিমূৰ্তিক সৰু-বৰ বাহনেৰে কঢ়িয়াই আনি মৰা মানাহত বিসৰ্জন দিয়ে পূজা কমিটীসমূহে । শাৰদীয় দুৰ্গা পূজাৰ বিগত দিনকেইটাত বিশ্বনাথ জিলাত কোনোধৰণৰ অপ্ৰীতিকৰ পৰিস্থিতিৰ সৃষ্টি হোৱা নাই যদিও আৰক্ষীয়ে নিৰাপত্তা দিশটো কটকটীয়া কৰি তোলা দেখা গ’ল । ইফালে মঙলবাৰে দেৱী বিসৰ্জনৰ দিনাও বিশ্বনাথত যাতে কোনোধৰণৰ অপ্ৰীতিকৰ পৰিস্থিতিৰ সৃষ্টি নহয় তাৰ বাবে বিশ্বনাথত আৰক্ষীয়ে নিৰাপত্তা ব্যৱস্থা কটকটীয়া কৰি তোলে ৷

লগতে পঢ়ক: Durga puja 2023: মহা অষ্টমীৰ দিনা মা কল্যাণী দেৱালয়ত ভক্তৰ লানি নিছিগা ভিৰ