Girl Missing: ৰঙিয়াত সন্ধানহীন এগৰাকী যুৱতী

ৰঙিয়া,৭ নৱেম্বৰ: ৰঙিয়াৰ নগৰৰ পৰা সন্ধানহীন এগৰাকী যুৱতী । দুৰ্গা পূজা চাবলৈ গৈ নিৰুদ্দেশ হয় ৰঙিয়া ষ্টেচনৰ ২ নং ৱাৰ্ডৰ মাইমিনা বেগম নামৰ যুৱতীগৰাকী । যোৱা ২৩ অক্টোবৰৰ পৰা নিৰুদ্দেশ হৈ আছে দৰিদ্ৰ পৰিয়ালটোৰ একমাত্ৰ কন্যা মাইমিনা বেগম । হঠাৎ এনেদৰে এগৰাকী যুৱতী নিখোঁজ হোৱাত কান্দি কান্দি দিন পাৰ কৰিছে পৰিয়ালটোৱে । একমাত্ৰ কন্যা নিৰুদ্দিষ্ট হোৱাত মাতৃ আৰু ভাতৃয়ে চাৰিওফালে বিচাৰি ফুৰিছে ।  

কিন্তু কোনো সন্ধান লাভ কৰা মাইমিনা বেগমৰ । ঘটনা সন্দৰ্ভত মাতৃ ৰেজিনা বেগমে ৰঙিয়া আৰক্ষী থানাত এজাহাৰ দাখিল কৰিছে । কিন্তু আৰক্ষীয়েও বৰ্তমানলৈকে কোনো শুংসূত্ৰ লাভ কৰিবলৈ সক্ষম হোৱা নাই । অৱশেষত ৰঙিয়া, নলবাৰী, হাজোৰ ৰাজপথত নিৰুদ্দেশ হোৱা কন্যাক বিচাৰি মাতৃ আৰু ভাতৃয়ে ব্যৱসায়ী, পথচাৰীসকলক নিৰুদ্দিষ্ট মাইমিনাৰ ফটো দেখুৱাই বিভিন্ন ঠাইত বিচাৰি ফুৰা পৰিলক্ষিত হয় ।  

ইয়াৰ উপৰিও আত্মীয় স্বজন আৰু পৰিচিত লোকৰ ঘৰত খা-খবৰ কৰিও কোনো শুংসূত্ৰ উলিয়াবলৈ সক্ষম নহ'ল । কোনো দুষ্ট চক্ৰ‌ই ফুচুলাই নি কৰবাত বিক্ৰী কৰি দিব পাৰে বুলি সন্দেহ কৰি চিন্তিত হৈ পৰিছে পৰিয়ালটো । কি পৰিস্থিতিত আৰু কেনেকৈ যুৱতীগৰাকী নিখোজ হ'ল সেয়া ৰহস্যৰ আৱৰ্তত ।  

লগতে পঢ়ক: JDSG College Golaghat : ছাত্ৰ একতা সভাৰ নিৰ্বাচনৰ ফলাফলৰ পাচতে গোলাঘাটত প্ৰচণ্ড মাৰপিট