Road accident at Moran:স্বাধীনতা দিৱসৰ দিনাই মৰাণত ভয়ংকৰ পথ দুৰ্ঘটনা

ডিব্ৰুগড়, 15 আগষ্ট : স্বাধীনতা দিৱসৰ দিনাই মৰাণত ভয়ংকৰ পথ দুৰ্ঘটনা সংঘটিত হয় । মৰাণৰ তিলৈত ৩৭ নং ৰাষ্ট্ৰীয় ঘাইপথত স্কুটী আৰু মটৰ চাইকেলৰ মাজত মুখামুখি সংঘৰ্ষৰ ফলত চাৰিজনকৈ লোক গুৰুতৰভাৱে আহত হয় । AS 06 X 1040 নম্বৰৰ স্কুটী আৰু AS 06 Y 0627 নম্বৰৰ হিৰ’ স্প্লেণ্ডাৰৰ মাজত মুখামুখি সংঘৰ্ষ হয় । গুৰুতৰভাৱে আহত দুজনক ততাতৈয়াকৈ ডিব্ৰুগড়ৰ অসম চিকিৎসা মহাবিদ্যালয়লৈ প্ৰেৰণ কৰা হয় । আন দুজনক তিলৈ সামূহিক চিকিৎসালয়ত ভৰ্তি কৰোৱা হয় ।

ঘটনাত মৰাণৰ ৰাইদাং তিনিআলিৰ বাবুল নেওগ, ডোমৰ দলং বৰুৱাহোলাৰ ৰহন নায়ক, সুৰিয়া নায়ক আৰু কুলদ্বীপ মোহান্তি গুৰুতৰভাৱে আহত হৈছে বুলি জানিব পৰা গৈছে । প্ৰথম অৱস্থাত এখন ট্ৰাকে খুন্দিয়াই পলায়ন কৰা বুলি জানিব পৰা গৈছিল যদিও পাচত আৰক্ষীয়ে ট্ৰাকখন জব্দ কৰি পৰীক্ষা কৰাত নিশ্চিত হয় যে স্কুটী আৰু মটৰ চাইকেলৰ মুখামুখি সংঘৰ্ষতহে এই ভয়ানক পথ দুৰ্ঘটনাটো সংঘটিত হয় ।

লগতে পঢ়ক : Nagaon Road Accident: বল ব'মৰ যাত্ৰী কঢ়িওৱা বাহনৰ খুন্দত নিহত স্কুটি আৰোহী