4 Killed in road accident: দুই তীব্ৰবেগী KTM বাইকৰ মুখামুখি সংঘৰ্ষত নিহত 4 যুৱক

পশ্চিম বিলাসীপাৰা, 1 ছেপ্তেম্বৰ : বৃহস্পতিবাৰে নিশা প্ৰায় 11 বজাত বিলাসীপাৰাত সংঘটিত হয় এক ভয়ংকৰ পথ দুৰ্ঘটনা । এই দুৰ্ঘটনাৰ ফলত থিতাতে নিহত চাৰিগৰাকী বাইক আৰোহী । বেলতলী-ফকিৰাগ্ৰাম সংযোগী পথৰ হাজাৰীপাৰাত দুখন KTM বাইকৰ মাজত মুখামুখি সংঘৰ্ষ হোৱাৰ ফলতে উক্ত দুৰ্ঘটনাটো সংঘটিত হয় বুলি উল্লেখ কৰিছে স্থানীয় ৰাইজ আৰু প্ৰত্যক্ষদৰ্শীয়ে ।

প্ৰত্যক্ষদৰ্শীয়ে উল্লেখ কৰা অনুসৰি, বিলাসীপাৰা পৰা ফকিৰাগ্ৰাম অভিমুখে তীব্ৰবেগেৰে গৈ আছিল এখন বাইক ৷ তেনেতে বিপৰীত দিশৰ পৰা অৰ্থাৎ কোকৰাঝাৰৰ পৰা বিলাসীপাৰা অভিমুখে আহি আছিল আনখন বাইক ৷ বিলাসীপাৰাৰ হাজাৰীপাৰাত দুয়োখন তীব্ৰবেগী বাইকৰ মুখামুখি সংঘৰ্ষ হয় আৰু দুৰ্ঘটনাস্থলীতে নিহত হয় 4 বাইক আৰোহী ৷

নিহত 4 ব্যক্তি ক্ৰমে জাহিনুৰ খা, নুৰভক্ত খা, নুৰমহম্মদ হুছেইন আৰু আবু ছিদ্দিকি বুলি জানিব পৰা গৈছে । নিহত জাহিনুৰ খা, নুৰভক্ত খাৰ ঘৰ বিলাসীপাৰাৰ মাছপাৰাত আৰু নুৰমহম্মদ হুছেইন, আবু ছিদ্দিকিৰ ঘৰ ফকিগ্ৰামৰ পাকিৰতলত বুলি জানিব পৰা গৈছে ৷

দুৰ্ঘটনাত পতিত হোৱা এখন বাইকৰ নম্বৰ হৈছে AS 19 T 4750 আৰু আনখন বাইকৰ নাছিল নম্বৰ প্লেট । এই দুৰ্ঘটনাটো সংঘটিত হোৱাৰ পিচত ঘটনাস্থলীত বিলাসীপাৰা মহকুমাৰ‌ আৰক্ষী বিষয়াৰ লগতে বিলাসীপাৰা, ৰাণীগঞ্জ আৰু লক্ষীগঞ্জ আৰক্ষীৰ এটা দল উপস্থিত হৈ মৃতদেহটো কেইটা উদ্ধাৰ কৰি বিলাসীপাৰা থানালৈ থানালৈ যায় ৷

লগতে পঢ়ক : Man rescued: হাত, ভৰি বন্ধা অৱস্থাত এজন যুৱক উদ্ধাৰ