Fire Incident in Assam: ডৱকাত ভয়ংকৰ অগ্নিকাণ্ডত কেইবাটাও বাসগৃহ ভস্মীভূত

হোজাই, ১৩ নৱেম্বৰ: হোজাই জিলাৰ ডবকাত সোমবাৰে সংঘটিত হৈছে ভয়ংকৰ অগ্নিকাণ্ড । জিলাখনৰ ডবকা চহৰৰ ৫ নং ৱাৰ্ডত সংঘটিত হৈছে এই ভয়ংকৰ অগ্নিকাণ্ডৰ ঘটনাটো । উল্লেখ্য় যে আজি দিনৰ ১২ বজাত হোৱা অগ্নিকাণ্ডৰ ফলত জাহ যায় কেইবাটাও বাসগৃহ । ৰন্ধন গেছ ছিলিণ্ডাৰৰ পৰা অগ্নিকাণ্ডৰ সূত্ৰপাত হোৱা বুলি স্থানীয় ৰাইজে কয় ।

এই ভয়ংকৰ অগ্নিকাণ্ডৰ ঘটনাটো সংঘটিত হোৱাৰ পিচতেই স্থানীয় ৰাইজে অগ্নি নিৰ্বাপক বাহিনীক খবৰ দিয়ে । স্থানীয় লোকে খবৰ দিয়াত ঘটনাস্থলীত অগ্নি নিৰ্বাপক বাহিনী উপস্থিত হৈ জুই নিয়ন্ত্ৰণ কৰিবলৈ সক্ষম হয় । অগ্নিকাণ্ডৰ ফলত কেইবা লাখ টকাৰ সা-সম্প্ৰতি জ্বলি বিধস্ত হয় । অৱশ্য়ে এই ঘটনাত কোনো লোক আহত হোৱা নাই ।

লগতে পঢ়ক:Fire Incident in Bihar : বিহাৰত ভয়াৱহ অগ্নিকাণ্ডত অগ্নিদগ্ধ শতাধিক; বহুতৰে অৱস্থা সংকটজনক