Drugs seized at Bilasipara: ড্ৰাগছসহ গ্ৰেপ্তাৰ ড্ৰাগছ সৰবৰাহকাৰী

ধুবুৰী, 19 আগষ্ট: ধুবুৰী জিলাৰ বিলাসীপাৰাৰ নয়াহাটত ড্ৰাগছৰ বিৰুদ্ধে আৰক্ষীৰ অভিযান । বিলাসীপাৰা মহকুমা আৰক্ষী বিষয়াৰ নেতৃত্বত চলে এই অভিযান । অভিযানত নয়াহাট বজাৰৰ এখন দোকানৰ পৰা নয়াহাট আৰক্ষীয়ে জব্দ কৰে নিষিদ্ধ ড্ৰাগছ । লগতে গ্ৰেপ্তাৰ কৰিবলৈ সক্ষম হয় ড্ৰাগছ ব্যবসায়ী হাছান শেখক (30) । 

ধৃত হাছান শেখৰ ঘৰ বিলাসীপাৰাৰ ফকিৰানিঝাৰ 2 য় খণ্ড গাঁৱত বুলি জানিব পৰা গৈছে । ড্ৰাগছ ব্যবসায়ী হাছান শেখৰ পৰা নয়াহাট আৰক্ষীয়ে নিষিদ্ধ ড্ৰাগছৰ লগতে কেইবাটাও কন্টেইনাৰ, নগদ ধনসহ মোবাইল ফোন জব্দ কৰে । উল্লেখ্য যে, দীৰ্ঘ দিন ধৰি হাছান শেখে নিষিদ্ধ ড্ৰাগছ ব্যবসায়ৰ লগত জড়িত থকাৰ সন্দেহ প্ৰকাশ কৰিছে আৰক্ষীয়ে । 

ঘটনা সন্দৰ্ভত নয়াহাট আৰক্ষীয়ে সোধ-পোচ অব্যাহত ৰাখিছে ।

লগতে পঢ়ক: Dengue cases rise in Diphu : ডিফুত ডেংগুৰ ভয়াৱহ সংক্ৰমণ; আক্ৰান্ত 2041, মৃত্যু 4 গৰাকীৰ