Drugs seized : নলবাৰীত ড্ৰাগছ সহ আটক সৰবৰাহকাৰী

নলবাৰী, 24 জুলাই : ৰাজ্যত ড্ৰাগছ আৰু অবৈধ নিচাজাতীয় সামগ্ৰীৰ ৰমৰমীয়া বেহা অব্যাহত আছে । ড্ৰাগছৰ বিৰুদ্ধে আৰক্ষী যিমানেই কঠোৰ নহওক কিয় নিতৌ ৰাজ্যত অব্যাহত আছে ড্ৰাগছৰ সৰবৰাহ । বিশেষকৈ নলবাৰী জিলাৰ মুকালমুৱাত নিতৌ ড্ৰাগছ সৰবৰাহকাৰী আৰক্ষীৰ জালত পৰা পৰিলক্ষিত হৈছে । 

দেওবাৰে নিশাও নলবাৰী জিলাৰ মুকালমুৱাৰ ওচৰৰ কাপলাবড়ীত আৰক্ষীয়ে চলাইছিল ড্ৰাগছ বিৰোধী অভিযান । কাপলাবড়ীৰ এখন দুচকীয়া বাহনৰ গেৰেজত মুকালমুৱা আৰক্ষীয়ে অভিযান চলায় আটক কৰে এটা ড্ৰাগছ সৰবৰাহকাৰীক । ধৃত ড্ৰাগছ সৰবৰাহকাৰীটোৰ নাম আমিৰ হুছেইন । আৰক্ষীয়ে ধৃত ড্ৰাগছ সৰবৰাহকাৰীটোৰ পৰা তিনিটা ড্ৰাগছ ভৰ্তি কন্টেইনাৰ, 8 টা নিচাজাতীয় টেবলেট আৰু এটা মোবাইল ফোন জব্দ কৰবলৈ সক্ষম হয় । 

ধৃত আমিৰ হুছেইনে গোপনে অঞ্চলটোত ড্ৰাগছৰ বেহা চলাই আছিল বুলি আৰক্ষীয়ে জানিবলৈ দিয়ে । বৰ্তমান মুকালমুৱা আৰক্ষীৰ জিম্মাত আছে ড্ৰাগছ সৰবৰাহকাৰীটো । 

লগতে পঢ়ক : Assam employment: নতুন নিযুক্তিৰ প্ৰতিশ্ৰুতি দি অপ্ৰয়োজনীয় চৰকাৰী পদ কৰ্তনৰ জাননী ৰাজ্য চৰকাৰৰ