Drugs peddler arrested with huge amount of drugs:পেঙেৰী ব্ৰহ্মাজানত বৃহৎ পৰিমাণ মাৰাত্মক ড্ৰাগছসহ আটক সৰবৰাহকাৰী

তিনিচুকীয়া, ১৮ জুলাই : ৰাজ্যৰ বিভিন্ন প্ৰান্তৰ লগতে তিনিচুকীয়া জিলাৰ বিভিন্ন প্ৰান্ততো নিচাজাতীয় দ্ৰব্যৰ বিৰুদ্ধে আৰক্ষীৰ অভিযান অব্যাহত আছে । বিশেষকৈ অৰুণাচল প্ৰদেশৰ সীমামূৰীয়াত থকা বৰডুমচা আৰক্ষীয়ে প্ৰতিদিনাই ড্ৰাগছ মাফিয়াক আটক কৰাৰ লগতে জব্দ কৰি আহিছে বৃহৎ পৰিমাণৰ ড্ৰাগছ ৷

সোমবাৰে পুনৰ বিশেষ খবৰৰ ভিত্তিত বৰডুমচা আৰু পেঙেৰী আৰক্ষীৰ লগতে বৰডুমচা CRPF ১৮৬ F বেটেলিয়ন কোম্পানীয়ে যুটীয়া অভিযান চলাই পেঙেৰী থানাৰ অন্তৰ্গত পেঙেৰী ব্ৰহ্মাজানৰ বিষ্ণু দিহিঙীয়াৰ ঘৰত । ড্ৰাগছ মাফিয়া বিষ্ণু দিহিঙীয়াৰ ঘৰৰ পৰা আৰক্ষীয়ে অভিযান কালত ১০ টাকৈ পেকেটত ১১৮ গ্ৰাম ড্ৰাগছ সহ নগদ ২ লাখ ২৫ হাজাৰ ৯০০ টকা জব্দ কৰে ।

আৰক্ষীয়ে বিষ্ণু দিহিঙীয়াৰ লগতে পত্নীকো আটক কৰে । স্থানীয় ৰাইজৰ অভিযোগ অনুসৰি লোকজনে দীৰ্ঘদিনৰ পৰা মাৰাত্মক ড্ৰাগছৰ ব্যৱসায় চলাই যুৱ প্ৰজন্মক ধ্বংস কৰি তুলিছে ৷ কিন্তু এইক্ষেত্ৰত ধৃত দিহিঙীয়াই অভিযোগ অস্বীকাৰ কৰিছে যদিও প্ৰথমবাৰৰ বাবে বন্ধন বেংকৰ পৰা ২ লাখ টকা লোণ লৈ ড্ৰাগছৰ ব্যৱসায় আৰম্ভ কৰা বুলি নিজে স্বীকাৰোক্তি দিয়ে ৷

লগতে পঢ়ক : Drugs Destruction: ডিফুত 95 কোটি টকাৰ নিচাযুক্ত ড্ৰাগছ দহন