Lakhimpur drugs news: লখিমপুৰত ৰাইজে ধৰিলে ড্ৰাগছ আসক্ত যুৱকক

লখিমপুৰ, 17 মে’ : বৰবিহ ড্ৰাগছৰ বিৰুদ্ধে চলি আছে আৰক্ষীৰ কঠোৰ অভিযান । পিছে আৰক্ষী যিমান কঠোৰ হ’লেও চলিয়ে আছে ড্ৰাগছৰ বেহা । সেৱনকাৰীয়ে কৰিয়েই আছে ড্ৰাগছ সেৱন । মঙলবাৰে সন্ধিয়া লখিমপুৰৰ নগৰ এলেকাত ৰাইজে এজন ড্ৰাগছ আসক্তক কৰায়ত্ত কৰি আৰক্ষীক গতাই দিয়ে (Lakhimpur drugs news) ।

লখিমপুৰৰ চি ডি ৰোডৰ আহুচাউল গাঁৱত সন্ধিয়া প্ৰায় 8 মান বজাত এখন ফাৰ্নিচাৰ দোকানৰ ভিতৰত ৰাইজে ড্ৰাগছ আসক্ত যুৱকজনক ধৰি পাচত আৰক্ষীক গতাই দিয়ে । ধৃত যুৱকজন হ’ল বগীনদী এলেকাৰ পুংখা ব্ৰহ্ম । তেওঁৰ পৰা ৰাইজে কেইবাটাও ড্ৰাগছৰ খালী কন্টেইনাৰ, চিৰিঞ্জ আদি উদ্ধাৰ কৰে । ৰাইজে যুৱকজনক কৰায়ত্ত কৰাৰ সময়ত তেওঁৰ লগত থকা আন এজন যুৱক পলাই সাৰিবলৈ সক্ষম হয় । ৰাইজে সন্দেহ কৰা মতে পলাতকজন ড্ৰাগছ সৰবৰাহকাৰী । যুৱকজনক সম্প্ৰতি লখিমপুৰ সদৰ থানাত আৰক্ষীয়ে সোধা-পোছা কৰি আছে (mob caught a drugs addict in Lakhimpur) ৷

উল্লেখ্য মাথোঁ কেইদিনমানৰ পূৰ্বে চি ডি ৰোডতে আৰক্ষীয়ে ড্ৰাগছ, বাইকসহ এটা সৰবৰাহকাৰীক গ্ৰেপ্তাৰ কৰিছিল । ড্ৰাগছৰ বেহাৰ বিৰুদ্ধে আৰক্ষীয়ে নিৰন্তৰ অভিযান চলাই বহু ড্ৰাগছ সৰবৰাহকাৰী, ড্ৰাগছ আসক্তক গ্ৰেপ্তাৰ কৰাৰ উপৰি ড্ৰাগছ উদ্ধাৰ কৰিবলৈ সক্ষম হৈছে যদিও থমকি ৰোৱা নাই এই ভয়াৱহ বেহা (Drugs addict arrested in Lakhimpur) ।

লগতে পঢ়ক : Drugs peddler arrested: দুলীয়াজানত বিলাসী গাড়ীসহ দুটা ড্ৰাগছ সৰবৰাহকাৰী আটক