Drugs Smuggler Arrested: বৰপেটা আৰক্ষীৰ জালত ৮২টা ড্ৰাগছৰ কণ্টেইনাৰসহ ড্ৰাগছ সৰবৰাহকাৰী

বৰপেটা ৯ ফেব্ৰুৱাৰী: বৰপেটা আৰক্ষীয়ে বৃহস্পতিবাৰে অভিযান চলাই এটা ড্ৰাগছ সৰবৰাহকাৰীক গ্ৰেপ্তাৰ কৰিবলৈ সক্ষম হয়(Drug Smuggler arrested with drug at Barpeta) ৷ ধৃত ড্ৰাগছ সৰবৰাহকাৰীটো গৰৈমাৰীৰ ৰমেশ চন্দ্ৰ বিশ্বাস বুলি জানিবলৈ দিছে আৰক্ষীয়ে । ড্ৰাগছ সৰবৰাহকাৰীটোৰ পৰা আৰক্ষীয়ে প্ৰায় ৮২ টা ড্ৰাগছৰ কণ্টেইনাৰ জব্দ কৰিবলৈ সক্ষম হয়(Drug Seized in Barpeta) ৷

বৰপেটা আৰক্ষীয়ে এক গোপন সূত্ৰৰ পৰা পোৱা খবৰৰ ভিত্তিত বৰপেটাৰ ধানাবান্ধা-গৰৈমাৰী অঞ্চলত অভিযান চলাই আটক কৰিবলৈ সক্ষম হয় ড্ৰাগছ সৰবৰাহকাৰীটোক । উল্লেখ্য যে, বৰপেটা আৰক্ষীয়ে ড্ৰাগছমুক্ত বৰপেটা চহৰ গঢ়াৰ বাবে সংকল্প লৈ এটাৰ পিছত আনটো ড্ৰাগছৰ বিৰুদ্ধে অভিযান অব্যাহত ৰাখিছে(Assam Police Anti drug campaign) ৷ বৰপেটা সদৰ আৰক্ষীয়ে জানুৱাৰী মাহৰ পৰা বৰ্তমানলৈ অভিযান চলায় বৃহৎ পৰিমাণৰ ড্ৰাগছসহ ৫ টা ড্ৰাগছ ব্যৱসায়ী আটক কৰি জেললৈ প্ৰেৰণ কৰিছে ৷

লগতে পঢ়ক: Encounter in Barpetaroad: বেহু ফালি পলায়নৰ চেষ্টা কৰি আৰক্ষীৰ গুলীত ধৰাশায়ী ড্ৰাগছ ব্যৱসায়ী

ড্ৰাগছৰ বিৰুদ্ধে বৰপেটা আৰক্ষীৰ এটাৰ পিছত আনটো অভিযান চলাই গৈছে যদিও ড্ৰাগছ ব্যৱসায়ীসকলেও নতুন নতুন কৌশল অৱলম্বন কৰি চলাই গৈছে ড্ৰাগছৰ ব্যৱসায় ৷ ইয়াৰ পূৰ্বে মঙলবাৰে পুৱতি নিশা আৰক্ষীয়ে ড্ৰাগছ বিৰোধী অভিযানত বাক্সা আৰক্ষীৰ এনকাউন্টাৰত বৰপেটাৰোডত গুলীবিদ্ধ হৈছিল বিছা মিঞা নামৰ এটা ড্ৰাগছ ব্যৱসায়ী(Suspected drug peddler injured in police firing) ৷ 

ইয়াৰ দুদিনৰ পাছত বৃহস্পতিবাৰে আৰক্ষীয়ে পুনৰ অভিযান চলাই ৰমেশ চন্দ্ৰ বিশ্বাস নামৰ ড্ৰাগছ সৰবৰাহকাৰীটোক আটক কৰিবলৈ সক্ষম হয়(Drug peddler nabbed in Assam's Barpeta) ৷ আৰক্ষীয়ে ৰমেশৰ পৰা ৮২ টা ড্ৰাগছৰ কণ্টেইনাৰ লগতে ড্ৰাগছ সৰবৰাহত ব্যৱহাৰ কৰা AS 07L 0461 নম্বৰৰ এখন HYUNDAI EON গাড়ীও জব্দ কৰিছে । সম্প্ৰতি বৰপেটা আৰক্ষীয়ে অধিক তথ্যৰ বাবে ধৃত ড্ৰাগছ সৰবৰাহকাৰীটোৰ জেৰা অব্যাহত ৰাখিছে ৷

লগতে পঢ়ক: Gamblers arrested in Nalbari: নলবাৰীৰ দৌলাশালত জুৱাৰ সামগ্ৰীসহ আটক দুই জুৱাৰী