Domestic elephants supply: অৰুণাচলৰ পৰা গুজৰাটলৈ সৰবৰাহ ঘৰচীয়া হাতী

অৰুণাচল প্ৰদেশৰ নামচাইৰ পৰা গুজৰাটৰ এটা মন্দিৰলৈ ৰপ্তানি কৰা হৈছে ১০ টাকৈ ঘৰচীয়া হাতী (Domestic elephants supply) ৷ ট্ৰাকৰ জড়িয়তে হাতীকেইটা কঢ়িয়াই নি থকা সময়তে ১৫ নং ৰাষ্ট্ৰীয় ঘাইপথত বৰগাঙৰ সমীপত বিশ্বনাথ জিলা পৰিবহণ বিভাগৰ এটা দলে ট্ৰাকসমূহৰ নথি-পত্ৰ পৰীক্ষা কৰে । ১০ খন ট্ৰাকত ১০ টা ঘৰচীয়া হাতী সৰবৰাহ কৰা ট্ৰাকসমূহৰ নথি-পত্ৰ পৰীক্ষা কৰাত নথি-পত্ৰৰ কিছু বিসংগতি দেখা পায় পৰিবহণ বিভাগৰ বিষয়া-কৰ্মচাৰীয়ে । সম্পূৰ্ণ নথি পত্ৰ নথকাত যান-বাহন আইনৰ অধীনত এখন ট্ৰাকত ১০ হাজাৰকৈ ১০ খন ট্ৰাকৰ বিপৰীতে ১ লাখ টকা জৰিমনা বিহে পৰিবহণ বিভাগে ।