Death body recovered in Guwahati: মহানগৰীৰ লখিমী নগৰত উন্মুক্ত নলাত উদ্ধাৰ মৃতদেহ

গুৱাহাটী, ২২ জুন: গুৱাহাটী মহানগৰীৰ হাতীগাঁৱত উদ্ধাৰ মৃতদেহ। হাতীগাঁও লখিমী নগৰত উদ্ধাৰ হৈছে মৃতদেহটো । স্থানীয় ৰাইজে উল্লেখ কৰা অনুসৰি  মৃত লোকজনৰ নাম নৰেন চৌধুৰী । লখিমী নগৰৰ নলাত পৰি থকা অৱস্থাত মৃতদেহটো উদ্ধাৰ হয় । লোকজনে পুৱাই পিছলি নলাত পৰাৰ সন্দেহ কৰিছে স্থানীয় ৰাইজে ।  

উল্লেখ্য় যে পুৱা ৪.৫০ বজাত স্থানীয ৰাইজে সুস্থ অৱস্থাত দেখিছিল লোকজনক । তাৰ কিছুসময়ৰ পিছতে নলাত মৃতদেহটো ওপঙি থকা প্ৰত্যক্ষ কৰে স্থানীয় ৰাইজে । লোকজন দীৰ্ঘদিন ধৰি মাছৰ ব্যৱসায়ীৰ লগত জড়িত আছিল । নলাটো উন্মুক্ত অৱস্থাত থকা বাবে লোকজনৰ পিছলি পৰি মৃত্যু হয় । এই ঘটনাৰ পিচতে হাতীগাঁও আৰু দিছপুৰ আৰক্ষী ঘটনাস্থলীত উপস্থিত হৈ মৃতদেহটো মৰণোত্তৰ পৰীক্ষাৰ বাবে গুৱাহাটী চিকিৎসা মহাবিদ্যালয় হাস্পতাললৈ প্ৰেৰণ কৰে ।

লগতে পঢ়ক:PM Modi US visit : আমেৰিকাৰ ৰাষ্ট্ৰপতিক কি কি উপহাৰ দিলে প্ৰধানমন্ত্ৰী মোডীয়ে ?