Dead body found under mysterious condition: মৰাণত ৰহস্যজনক অৱস্থাত উদ্ধাৰ মৃতদেহ

ডিব্ৰুগড় জিলাৰ মৰাণ আৰক্ষী থানাৰ(Moran Police Station) অন্তৰ্গত পানীতোলা বৰবাম গাঁৱত নিজৰ চাহ বাগানৰ মাজত শনিবাৰে পুৱা ডিঙি কটা অৱস্থাত উদ্ধাৰ হয় এজন যুৱকৰ মৃতদেহ(Dead body rescued at Moran) ৷ মৃত যুৱকজন নিত্যৰঞ্জন গগৈ (৩৫) বুলি জানিব পৰা হৈছে । পুৱা যুৱকজন নিজৰ চাহ বাগানলৈ গৈ বহু সময়লৈ ঘূৰি নহাত চিন্তিত হৈ পৰে তেওঁৰ পৰিয়াল লোক ৷ পিছত বাগানৰ মাজত ডিঙি কটা অৱস্থাত উদ্ধাৰ কৰা হয় যুৱকজনক মৃতদেহ । যুৱকজনে আত্মহত্যা কৰিছে নে কোনোবাই হত্যা কৰিছে সেই লৈ এই পৰ্যন্ত আৰক্ষী নিশ্চিত হ'ব পৰা নাই(Assam youth found dead under mysterious condition) । সমগ্ৰ ঘটনাই অঞ্চলটোত তীব্ৰ চাঞ্চল্যৰ সৃষ্টি কৰিছে । আৰক্ষীয়ে মৃতদেহ ইতিমধ্যে উদ্ধাৰ কৰি মৰণোত্তৰ পৰীক্ষাৰ ব্যৱস্থা কৰিছে । আৰক্ষীৰ তদন্তৰ পাছতেই যুৱকজনৰ প্ৰকৃত তথ্য জানিব পৰা যাব ।