Darrang District Mahila Congress protests: অভাৱনীয়ভাৱে মূল্যবৃদ্ধিৰ প্ৰতিবাদত দৰং জিলা মহিলা কংগ্ৰেছৰ প্ৰতিবাদ

দৰং, 4 মাৰ্চ : অভাৱনীয় ভাৱে মূল্য বৃদ্ধিৰ প্ৰতিবাদত দৰং জিলা মহিলা কংগ্ৰেছে জোৰদাৰ প্ৰতিবাদ সাব্যস্ত কৰে (Darrang District Mahila Congress) ৷ অভাৱনীয় ভাৱে বৃদ্ধি পাইছে অত্যাৱশ্যকীয় সামগ্ৰীৰ মূল্য ৷  মূল্য বৃদ্ধিয়ে জুৰুলা কৰিছে সাধাৰণ ৰাইজক ।

কান্ধত ৰন্ধন গেছৰ চিলিণ্ডাৰ লৈ ৰাজপথলৈ ওলাই আহিল দৰং জিলাৰ মহিলা সকল (protests against Unexpected price hike in Darrang) । ৰাজপথতেই গেছৰ ষ্ট’ভত খৰিৰে ধৰিলে জুই । দেশৰ লগতে ৰাজ্যখনত অভাৱনীয় ভাৱে হোৱা মূল্য বৃদ্ধিৰ প্ৰতিবাদত দৰং জিলা মহিলা কংগ্ৰেছে আজি এক প্ৰতিবাদী কাৰ্যসূচী ৰূপায়ণ কৰে ।

দৰং জিলা ৰাজীৱ ভৱনৰ পৰা দৰং জিলা মহিলা কংগ্ৰেছে আৰম্ভ কৰিলে এই প্ৰতিবাদী কাৰ্যসূচী । বৰ্তমানে জিলা খনত ১৪৪  ধাৰা চলি থকাৰ বাবে ঘাই পথৰ পৰা আঁতৰি যাৱলৈ কোৱাত ঘূৰি গৈ তেওঁলোকে ৰাজীৱ ভৱনৰ চোতালত গৈ প্ৰতিবাদ কাৰ্যসূচী ৰূপায়ন কৰে ।

শেহতীয়া ভাৱে চিলিণ্ডাৰৰ মুল্য বৃদ্ধিত অতিষ্ঠ হৈ মহিলা কংগ্ৰেছে গেছৰ চুলাত খৰিৰে জুই জ্বলাই এই প্ৰতিবাদ সাব্যস্ত কৰে । জিলা মহিলা কংগ্ৰেছৰ সভানেত্ৰী অনিতা ৰাজবংশীৰ নেতৃত্বত এই প্ৰতিবাদী কাৰ্যসূচীত জিলা খনৰ বহু সংখ্যক মহিলা কংগ্ৰেছৰ কৰ্মীয়ে অংশগ্ৰহণ কৰে ।

লগতে পঢ়ক : Sanjoy Kishan in Tinsukia: নিৰ্মাণৰ কাম চাবলৈ ৰাজপথত নিশা মন্ত্ৰী সঞ্জয় কিষাণৰ চাডেন ভিজিট