মন থাকিলে সকলো সম্ভৱ: ক'লে লাভলীনা বৰগোঁহায়ে

ধেমাজি: ধেমাজি উচ্চতৰ মাধ্যমিক বিদ্যালয়ত অলিম্পিয়ান বক্সাৰ, অৰ্জুন বঁটাপ্ৰাপক অসমকন্যা লাভলীনা বৰগোঁহাই । ঐতিহ্যমণ্ডিত বিদ্যালয়খনৰ গৌৰৱোজ্জ্বল মহাৰজত জয়ন্তী উপলক্ষে শনিবাৰে ক্ৰীড়া মহোৎসৱৰ উদ্বোধনী অনুষ্ঠান মুকলি কৰে লাভলীনা বৰগোঁহাইয়ে । উক্ত অনুষ্ঠান মুকলি কৰি তেওঁ কয়,"ক্ৰীড়াক্ষেত্ৰলৈ আহিলে বহুত কঠিন সময়ৰ মুখামুখি হ’ব লাগে । বহুত নিয়মানুৱৰ্তিতা মানি চলিবলগীয়া হয় । তাৰ পিছতো হৰা-জিকা থাকে । হাৰিলে পুনৰ প্ৰথমৰ পৰাই আৰম্ভ কৰিবলগীয়া হয় ।"

তেওঁ লগতে কয়, "আমাক দেখি প্ৰেৰণা লাভ কৰি ছাত্ৰ-ছাত্ৰীসকল আগবাঢ়ি আহিলে তেওঁলোকৰ ভাল হ'ব । আমাক সৰুতে শিকাই দিয়ে যে ভবা কথা নহয় সিদ্ধি বাটত আছে কণা বিধি । এনেধৰণৰ অসমীয়াত বহুত ফকৰা-যোজনা আছে । আচলতে মন থাকিলে সেইবোৰ প্ৰবচন প্ৰযোজ্য নহয় ।"

লগতে পঢ়ক: ডিব্ৰুগড় বিমানবন্দৰত ঢোলে-ঢগৰে আদৰণি লাভলীনা বৰগোহাঁইক