Nagaland CM assam visit : ব্যক্তিগত কাৰণত সোণাৰি চাহ বাগিচালৈ নাগালেণ্ডৰ মুখ্যমন্ত্ৰী নেফিঅ’ ৰিঅ'

ডিব্ৰুগড়, 31 অক্টোবৰ: চৰাইদেউ জিলাৰ সোণাৰিত সোমবাৰে উপস্থিত হয় নাগালেণ্ডৰ মুখ্যমন্ত্ৰী নেফিঅ’ ৰিঅ’ । ব্যক্তিগত কাৰণত সোণাৰিত উপস্থিত হয় নাগালেণ্ডৰ মুখ্যমন্ত্ৰীগৰাকী । গীতিকবি পাৰ্বতি প্ৰসাদ বৰুৱাৰ নাতিনীয়েক সোণাৰি চাহ বাগিছাৰ স্বত্বাধিকাৰী সমুদ্ৰ প্ৰসাদ বৰুৱাৰ বাংলোত উপস্থিত হোৱাৰ পিচত সোণাৰিৰ বিধায়ক ধৰ্মেশ্বৰ কোঁৱৰে নাগালেণ্ডৰ মুখ্যমন্ত্ৰীগৰাকীক আদৰণি জনায় । 

জানিব পৰা অনুসৰি সোণাৰি চাহ বাগিচাৰ স্বত্বাধিকাৰী সমুদ্ৰ প্ৰসাদ বৰুৱাৰ সৈতে ব্যক্তিগত কিছু আলোচনাত মিলিত হোৱাৰ পিচত চাহ বাগিচাতে দুপৰীয়াৰ আহাৰ গ্ৰহণ কৰে মুখ্যমন্ত্ৰী নেফিঅ’ ৰিঅ’ই । ইয়াৰ পিচত পুনৰ নাগালেণ্ডলৈ ৰাওনা হয় মুখ্যমন্ত্ৰী নেফিঅ’ ৰিঅ’ ৷ সংবাদ মাধ্যমৰ আগত মন্তব্য দিয়াৰ পৰা আঁতৰি থাকে মুখ্যমন্ত্ৰীগৰাকী । 

ব্যক্তিগত কাৰণত সোণাৰি চাহ বাগিচালৈ নাগালেণ্ডৰ মুখ্যমন্ত্ৰীগৰাকী আহিছিল বুলি বিধায়ক ধৰ্মেশ্বৰ কোঁৱৰে জানিবলৈ দিয়ে ।

লগতে পঢ়ক: Mising Language Day 2023: জোনাইৰ বিভিন্ন স্থানত 39 সংখ্যক মিচিং ভাষা দিৱস পালন